ایران له فرانسې سره د اړیکو د پراختیا هرکلی کوي
ډاکټر ریسي د ځینو هغو هیوادونو د سیاستونو په رټلو سره چې ترهه ګري په ښو او بدو برخو ویشي ، ټینګار وکړ، اسلامی ایران ترهه ګري چې په هرشکل کې وي ،په کلکه محکوموي او د ایران له نظره ددمشق د داعش ، دعراق د داعش او دخراسان د داعش ترمینځ هیڅ فرق نه لري .
زمونږخبریال راپور راکړ ، د ایران د اسلامی جمهوریت ولسمشر ابراهیم ریئسي پرون ناوخته د فرانسې له ولسمشر آمانوئل ماکرون سره په ټيلیفوني تماس کې ټینګار کړی ، ایران تیار دی له اروپا سره جامعې ملګرتیاوې له فرانسې پیل کړي .
د ایران د اسلامی جمهوریت ولسمشر زیاته کړې ده ، د ایران او فرانسې سیاسي خپلواکي د دواړو هیوادونو ترمینځ دتل پاتې ،پیاوړو او انډولیزو اړیکو دټينګیدا لپاره ارزښتمن اهمیّت لري او ګډې ګټې په دغو اړیکو کې د بهرنیو عواملو د دخالت خنډ دي .
ابراهیم ریسي ددې خبرې په کولو سره چې داعش امریکایانو راپنځولی او ورڅخه ملاتړ کوي ،ووئيل ، امریکایان له داعش او نوي ترهه ګرۍ څخه دملاتړ لپاره باید ددینا عمومی افکارو ته ځواب ووائي .
ډاکټر ریسي د ځینو هغو هیوادونو د سیاستونو په رټلو سره چې ترهه ګري په ښو او بدو برخو ویشي ، ټینګار وکړ، اسلامی ایران ترهه ګري چې په هرشکل کې وي ،په کلکه محکوموي او د ایران له نظره ددمشق د داعش ، دعراق د داعش او دخراسان د داعش ترمینځ هیڅ فرق نه لري .
دایران ولسمشر ددې خبرې په کولو سره چې امریکایانو په افغانستان کې سترې تیروتنې کړي دي ،ووئيل ، درست باید مرسته وکړي څو په افغانستان کې ددرستو ډلو ټپلو په ګډون سره یو پراخ بنسټه حکومت جوړ شي او اجازت ورکړو دافغانستان خلک خپل برخلیک پخپله وټاکي .
هغه په دې خبرې په ټينګار سره چې په افغانستان کې د امریکا او نا ټوپوځي لاسوهنې ماته خوړلې ده ووئيل ، افغان ډلې ټپلې باید د افغانستان ددرست ولس دمنلو وړ بیلګه شي او ایران په افغانستان کې د د سولې ، آ رامښت او امنیت د ټينګولو او د ورور وژنې د مخینوي لپاره هر ډول مرستو ته تیار دی.
داسلامی ایران ولسمشر دغه راز د نړیوالو ایټمي خبرواتروپه باب هم ووئیل ، له ښو خبرواترو سره هیڅ مخالفت نه لرو خو د مذاکراتو نتیجه او پروګرام باید د ایران په ضد د بندیزونو لغوه کول وي او دخبرواترو لپاره مذاکرات هیڅ ګټه نه لري .
د فرانسې ولسمشر هم په دغه ټيلیفوني تماس کې په ایران کې د افغان کډوالو شتون ته په اشارې سره ، له ایران سره په دې زمینې کې د ملګروملتو د کډوالو دلوړې کمیشنرۍ پر مرستو او ملګرتیاؤ ټینګار وکړ.
