د اسلامي ایران د پوځ لوی درستیز نن پاکستان ته ورځي

ایران پریس خبري اژانس راپور ورکړی د ایران د پوځ لوی درستیز برید جنرال محمد باقري د پاکستان د پوځ د مشر په بلنه اسلام اباد ته ورځي .

پاکستان ته د ایران د پوځ د لوی درستیز برید جنرال محمد باقري سفر د ایران د اسلامي جمهوریت د پوځي او د دفاعي ډيپلوماسۍ د پراخولو په لړ کښې دی .

د ایران د پوځ لوی درستیز محمد باقري به نن په رسمي ډول پاکستان ته ورسیږي .

د ایران د اسلامي جمهوریت او د پاکستان د پارلماني دوستۍ ډلې یوه (۱) پلاوي هم پرون د ډغه ډلې په بلنه د احمد امیر ابادي فراهاني په مشرۍ پاکستان ته سفر کړی دی .