څلور جمع یوه ډله د متقابلو ګټو پراساس خبرو ته چمتو ووسي
زمونږ خبریال وايي د ایران د بهرنیو چارو وزیر حسین امیر عبداللهیان وویل د خبرو اترو هدف یوازې خبرې کول نه دي بلکې ملموسه موافقه او متقابلو ګټو ته احترام دی .
هغه وویل د امریکا سپینه ماڼۍ له ایران سره د خبرو غوښتنه کوي او اټومي تړون ته د بیرته ستنیدا د چمتووالي ادعا کوي خو له دې سره په یووخت د ایران د شرکتونو او د کسانو پرضد نوي بایکاټونه لګوي .
د ایران د بهرنیو چارو وزیر حسین امیر عبداللهیان په دې خبرې سره چې تهران په دقت سره د امریکا د چارواکو کړچار سنجوي ټینګار وکړ څلور(۴) جمع یوه (۱) ډله د متقابلو حقوقو او د ګټو د رعایتولو په هکله خبرو اترو ته چمتو ووسي .
د امریکا پخوانی ولسمشر ډونالډ ټرمپ د دوه زره اتلسم (۲۰۱۸) میلادي کال د مي د میاشتې په اتمه (۸)نیټه په یواړخیزه او غیر قانوني ډل له اټومي تړون ووتله او د زیات دباو سیاست یې په اجنډا کښې شامل کړ .
د امریکا د اوسني ولسمشر د جوبایډن حکومت چارواکو په ځلونو په صراحت سره د ایران پرضد د زیات دباو د سیاست په ماتي اعتراف کړی دی او ویلي یې دي اراده لري امریکا اټومي تړون ته ورستنه کړي خو تراوسه یې له داسې اقداماتو چې دغه موافقې ته د ستنیدا لپاره ضروري وي نه دی ترسره کړی .
