په عشق آباد کښې د ایران او ترکمنستان د ولسمشرانو صلاح مشورې
بیګا په عشق آباد کښې د ترکمنستان ولسمشر د اسلامي ایران د ولسمشر رسمي هرکلی وکړ
د ایران د اسلامي جمهوریت ولسمشر سید ابراهیم رئیسي او د ترکمنستان ولسمشر قربان قلي بردي محمداف بیګا په عشق آباد ښار کښې ملاقات وکړ
بیګا په عشق آباد کښې د ترکمنستان ولسمشر د اسلامي ایران د ولسمشر رسمي هرکلی وکړ.
د هرکلي له دستورو سمدستي وروسته د دواړو هیوادونو ولسمشرانو په خپلو کښې ملاقات او خبرې اترې وکړې.
د ایران او ترکمنستان ترمینځ د دوه اړخیزو اړیکو پراختیا او د تجارت زیاتول په دغه ملاقات کښې د بحث وړ موضوعات وو.
د ایران د اسلامي جمهوریت ولسمشر بیګا هم داشان په عشق آباد کښې د ایران په سفارتخانه کښې، په ترکمنستان کښې د استوګنو ایرانیانو په کتنه کښې ټینګار وکړ چې د ایران ولس له ټولو هیوادونو په تیره بیا له ګاونډي او د سیمې له هیوادونو سره د اړیکو د پراختیا په لټه کښې دی.
د ویلو ده چې ولسمشر آیت الله رئیسي د اقتصادي ملګرتیا سازمان (اکو) په پنځلسمه سرمشریزه کښې د ګډون په موخه عشق آباد ته تلی دی.
دغه غونډه نن د ترکمنستان په پلازمینې عشق آباد ښار کښې ترسره کیږي.
