مشهد کښې په دریو طلبه و باندې خونړۍ حمله شوې

د ایران په مشهد ښار کښې په دریو عالمانو باندې د سړې وسلې د حملې له امله یو تن مړ شوی او دوه نور ژوبل شوي دي

د خراسانِ رضوي والي یعقوب علي نظري د ایران د ټیلیویژن (خبر) چینل ته په مرکه کښې وویل چې په دریو زیارتوالو عالمانو باندې د سړې وسلې (چاقو) د حملې په پيښه کښې چې پرون مازیګر د رضوي حرم په پیامبر اعظم(ص) نومې انګړ کښې وشوه، یو تن د پيښې په ځاې کښې سا ورکړه او دوه زخمیان شول چې روغتون ته منتقل کړی شوي دي.

نظري زیاته کړه چې د یو زخمي حالت خراب اعلان شوی دی.

د خراسانِ رضوي ولایت والي په دې خبرې سره چې برید کونکی د انتظامي عواملو او حفاظتي یونټ په مرسته نیول شوی او اطلاعاتي او امنیتي عواملو ته سپارل شوی دی، زیاته کړه: په دې لړ کښې تکمیلي معلومات به ډیر زر له عامه خلکو سره شریک کړی شي.