ایران ته د روسیې لومړنۍ باری ریل ګاډی راورسید
ایران او روسیه د دوو اړخیزو اړیکو په تیره بیا په اقتصادي ، پوځي او امینتی زمینو کې او همداراز د امریکا له یو اړخیز پالنې سره د مقابلې د سیمه ایزو او نړیوالو موضوعګانو په باب ، ګډې سټراټژيکې ګټې لري او دا په وروستیو کلونو کې د د واړو لورو د نزدې ملګرتیا یو اصلی عامل دی .
ایسنا خبری آژانس راپور ورکړ، د ایران دښارونو اولارو دجوړونې وزیر رستم قاسمي ووئيل ، هندوستان ته د شیانو دلیږد په خاطر د روسیې مال ګاډی یا باري اورګاډی د لومړي ځل لپاره په مستقیمه توګه له روسیې د ایران ټاټوبی ته وارد شوی دی .
قاسمي زیاته کړې دغه مال ګاډی چې ۳۹کنټینرې پکې بار دي ، په شهید رجائي بندر کې دریږي او بار او مال ئې د سمندر له لارې هندوستان ته وړل کیږي .
د ایران دلارو او ښآرونو د جوړونې د چارو وزیر ددغه اورګاډي د تلوراتلود دوام د امکان په باب هم ووئيل ، هغو ښو تړونونو اوتفاهم نامو لاسلیک کیدا ته په پام سره چې د روسیې ، قزاقستان ، هندوستان او ترکمنستان په شان له هیوادونو سره ترسره شوي دي ، او همداراز د هند په څير هیوادونو ته به د روسیې د شیانو درسولو لپاره ددغې لارې دآسانولو چارې دوام ومومي .
