د ایران د خارجه وزارت ویاند: د امریکې ځواب ترلاسه شو
د ایران د بهرنیو چارو د وزارت ویاند د بندیزونو د ختمولو په مذاکراتو کښې د پاتې موضوعاتو د هواري لپاره د ایران نظراتو ته د امریکې د حکومت د ځواب د ترلاسه کیدو خبر ورکړ
د ایران د خارجه وزارت ویاندوي ناصر کنعاني چافي پرون د خبرواترو د اروپايي غږملونکي له لارې د بندیزونو د ختمولو په مذاکراتو کښې د پاتې موضوعاتو د هواري لپاره د ایران د اسلامي جمهوریت نظرونو ته د امریکې د حکومت د ځواب د ترلاسه کیدو په اعلان سره وویل: د امریکايي لوري د نظراتو کره څیړنه پيل شوې او ایران به د څیړنو له بشپړولو وروسته په دې لړ کښې خپل نظریات غږملونکي ته اعلان کړي.
د ایران خلاف د امریکې د بندیزونو د ختمولو په چورلیزتوب سره د مذاکراتو نوی پړاؤ چې د آګست له څلورمې نیټې په ویانا ښار کښې پیل شوی و، د آګست په اتمه پاې ته ورسید.
د خبرواترو په دغه پړاؤ کښې د اروپايي اتحادیې د غږملونکي انریک مور له خوا څو وړاندیزونه وشول.
د ایران خلاف د غیرقانوني او ظالمانه بندیزونو د ختمولو په چورلیزتوب سره د ویانا په خبرواترو کښې ګډون کونکي کابو ټول هیوادونه زرترزره د مذاکراتو د جمع بندۍ غوښتونکي دي خو فاینل موافقې ته رسیدل د پاتې څو مهمو موضوعاتو په هکله د امریکې سیاسي پریکړو ته معطل دي.
