اسلامي ایران د ترکیې ترهګره بم چاودنه وغندله
ایرنا خبري اژانس وايي د ایران د خارجه وزارت ویاند ناصر کنعاني نن سهار وختي د ترکیې په استانبول ښار کښې ترهګرې بم چاودنې ته په غبرګون کښې دغه چاودنه په کلکه وغندله.
هغه وویل ایران هر ډول ترهګر اقدام چې د ترکیې په امنیت او ملت باندې ګوزار وکړي غندي.
ناصر کنعاني د بم چاودنې د وژل شویو کسانو لپاره د الهي رحمت او د مغفرت او د ژوبلو کسانو د زر شفا موندلو د دعا په ترڅ کښې د ترکیې له حکومت او ملت او په تیره بیا د دغه پیښې د وژل شویو کسانو له کورنیو سره خواخوږي اعلان کړه.
پرون مازیګر د ترکیې په استانبول ښار کښې تقسیم میدان ته نږدې په استقلال واټ کښې په ترهګرې بم چاودنې کښې تراوسه شپږ کسان وژل شوي او یو اتیا نور ژوبل شوي.
د ترکیې د ولسمشر مرستیال فواد اوکتای پرون وویل چې د استانبول بم چاودنه یوې ځان وژونکي ښځې کړي ده.
د ترکیې ولسمشر رجب طیب اردوغان هم دغه پیښې ته په غبرګون کښې ټینګار وکړ چې ترهګرو ته نه تسلیمیږي.
