جرمني باید صدام حسین ته د زهرجنو ګازونو ځواب ورکړي
فارس خبري اژانس راپور راکړی د ایران د بهرنیو چارو د وزارت ویاند ناصر کنعاني چافي د ایران د انجلیو زده کونکو د مسمومیت په هکله د جرمني د خارجه وزیر لاسوهونکو څرګندونو ته په غبرګون کښې وویل جرمني باید د زهرجنو ګازو له لارې د کیمیاوي وسلو د مسمومیت په هکله ځواب ورکړي.
په تیرو څو ورځو کښې د ایران په ځینو ښارونو کښې د ښوونځیو یوشمیر زده کونکي له مسمومیت سره مخ شوي او تخصصي او د جاجونې ډلې د دغه مسمومیت د پیښې د علت د معلومولو په حال کښې دي.
د ایران د بهرنیو چارو د وزارت ویاند ناصر کنعاني چافي پرون د ایران د ځینو انجلیو د مسمومیت په هکله د جرمني د خارجه وزیر څرګندونو ته په غبرګون کښې وویل په هغو ترخو حقایقو کښې چې اوس هم شفافیت ته ضرورت لري د ایران پرضد د عراق د بعث رژيم د تپلي جنګ په وخت کښې د جرمني لخوا د ورکړل شویو زهرجنو ګازو له لارې کیمیاوي مسمومیتونه دي چې مسوول یې د جرمني حکومت دی.
کنعاني ټینګار وکړ په سیاسي انګیزو سره به د ایران د انجلیو زده کونکو لپاره د ناامنۍ د رامینځته کولو اجازه ورنکړو.
د ایران خارجه وزیر حسین امیر عبداللهیان هم پرون وویل د ایران د انجلیو زده کونکو د مشکوک مسمومیت موضوع ته د ځینو لویدیځو هیوادونو له لاسوهنې ډک غبرګون د دوښمن د ترکیبي جنګ دوام دی.
د ایران ولسمشر ابراهیم رئیسي د زده کونکو د مسمومیت په موضوع د غور لپاره د کورنیو چارو وزیر او د استخباراتو وزیر ته ځانګړی حکم ورکړی دی.
