د هیواد د اسعاري زیرمو آزادول، د عزتمندانه ډیپلماسۍ یوه بریا ده
د اسلامي ایران ولسمشر ټینګار وکړ چې د هیواد د اسعاري زیرمو راخلاصوف د عزتمندانه ډیپلماسۍ د بریاؤ یوه نښه ده.
د ایرنا د خبر له مخې د ایران د اسلامي جمهوریت ولسمشر سید ابراهیم رئیسي پرون د خپلې کابینې په غونډه کښې وویل: د هیواد د اسعاري زیرمو د یوې برخې آزادول یو ارزښتناک، د ویاړ وړ او د ملي ګټو د تامینولو په لړ کښې یو اقدام دی.
ولسمشر رئیسي زیاته کړه: نن سبا د دې سرچینو په هکله مهمه موضوع د هغو د لګولو موضوع ده چې حکومت به له تولید څخه په ملاتړ باندې د اسلامي انقلاب د معظم رهبر ټینګار ته په پام سره هڅه وکړي چې دا ټولې سرچینې له تولید څخه د ملاتړ او د تولید د ودې په لړ کښې د اقتصادي توجیه لرونکو طرحو څخه په ملاتړ باندې ولګي.
د ایران ولسمشر همداشان په ۳۳ ورځني جنګ کښې د لبنان د حزب الله د جنګیالیو د کامیابۍ د کلیزې په لمانځلو سره هم، دغه بریا د مقاومت د ځواکونو د صبر او بصیرت نتیجه وبلله.
