د ایران سپاه پاسداران د امریکا جنګي بیړۍ ته خبرداری ورکړ
ایران پریس خبري اژانس راپور راکړی د ایران د اسلامي انقلاب د سپاه پاسداران ځواک د قومندانانو او د چارواکو د څلرویشتمې سترې غونډې په پاې کښې د دغه ځواک لخوا په هرمز اوبلارې کښې د امریکا د هیلي کوپټر وړونکي جنګي بیړۍ نوي تصویرونه نندرې ته وړاندې شول.
د ایران د اسلامي انقلاب د سپاه پاسداران د سمندري ځواک قومندان امیر البحر پاسدار علیرضا تنګسري وړمه شپه په هرمز اوبلارې کښې د امریکا د هیلي کوپټر وړونکي جنګي بیړۍ د څارنې د نویو عکسونو د خپریدا په هکله وویل له هیلي کوپټر وړونکي جنګي بیړۍ څخه د امریکا د هیلي کوپټرونو له الوت کولو وروسته د سپاه پاسداران د سمندري ځواک د ذوالفقار یونټ په وخت باندې خبردارې ورکولو سره د عمل ډګر ته ورننوت او د ایران د اسلامي انقلاب د سپاه پاسداران د سمندري ځواک د کشتیو په شتون سره امریکایان د جنګۍ پیړۍ په عرشې باندې د هیلي کوپټرونو کینولو ته مجبوره شول.
د ایران د اسلامي انقلاب د سپاه پاسداران د سمندري ځواک مشر علیرضا تنګسري د سپاه پاسداران د سمندري ځواک د عسکرو اقتدار او صلابت ته په اشارې او په دې خبرې ټینګار سره چې اسلامي ایران او په فارس خلیج سیمه کښې ګاونډي هیوادونه په خپله د امنیت د ټینګولو قدرت لري او په سیمه کښې د پردیو ځواکونو د شتون ضرورت نشته وویل د امریکا د هیلي کوپټرونو په هوشمندۍ سره معلومول د سپاه پاسداران ځواک د استخباراتي اشراف په ډګر کښې په میدان کښې د قدرتمن شتون او د ګواښونو د څارلو او په تیره د سمندري ځواک لخوا له سیمې د ورهاخوا دښمنو هیوادونو د جنګي بیړیو د تګ راتګ د څارلو ښودنه کوي.
