د ایران کرمان ولایت د حسیني اربعین د زیارتوالو کوربه دی

زمونږ خبریال راپور راکړی له ګاونډیو هیوادونو د ایران خاورې ته د حسیني اربعین د زیارتوالو د شمیر په زیاتیدا سره د ایران کرمان ولایت د خارجي زیارتوالو کوربه دی.

د ایران د کرمان ولایت « نرماشیر» ولسوالۍ هره ورځ د ایران د ختیځو ګاونډیو هیوادونو د سلګونو زیارتوالو کوربه دی.

له تیرو څو ورځو راهسې ایران ته د حسیني اربعین د زیارتوالو راتلل زیات شوي او د ایران په ختیځ کښې د ګاونډیو هیوادونو زیاتو زیارتوالو عراق ته د تلو لپاره د ایران لاره انتخاب کړي ده.

د ۱۴۴۵ هجري لمریز کال د صفرې د میاشتې شلمه نیټه د عراق د کربلا په دښته کښې  د نړۍ د شیعه مسلمانانو د دریم امام حضرت حسین علیه السلام او د هغه د وفاداره ملګرو د شهادت اربعین دی او زیارتوال په دغه ورځ د حسیني اربعین په مراسمو کښې د ګډون کولو لپاره د عراق په جنوب کښې کربلا ښار ته ورځي.