د ایران ولسمشر:
د فلسطین د ولس بریا یوه الهی وعده ده
د ایران د اسلامي جمهوریت ولسمشر د فلسطین د اسلامي جهاد د غورځنګ له سرمنشي سره په تماس کې د صهیونیستانو په وړاندې د فلسطین بریا یوه الهي وعده وباله.
د ایران ولسمشر سید ابراهیم رئیسي د فلسطین د اسلامي جهاد د غورځنګ له سرمنشي زیاد النخاله سره په تماس کې د فلسطیني مجاهدینو د بریالي عملیات په خاطر د مبارکی په ورکولو سره وویل: هغه څه چي د صهیونیستانو په وړاندې روان دی په تیرو ۷۰ کلونو کې یوه بې سارې پېښه ده او دغه عملیات له شکه پرته د اسلامي امت د خوشحاله کېدو لامل دی.
هغه د دې په بیانولو چي صهیونیست رژیم د نسکورتیا په لور درومي او د مقاومت جبهه بریالی کیږي، جوته کړه: د فلسطین د ولس بریا یوه الهی وعده ده او د ایران ولس تل د نړۍ د ازادغواړو ولسونو او د هغوی په سر کې د فلسطین ملاتړ کوي.
زیاد النخاله هم له فلسطین څخه د ایران د رهبری، حکومت او ولس له پراخ ملاتړ څخه قدرونه وکړه او د حالاتو په هکله د معلوماتو په ورکولو سره، وویل چي د اسرائیل په نیواکګر رژیم باندې عملیات په پوره کامیابی سره روان دی او فلسطیني ولس به خپله حوصله د لاسه ور نه کړي.
