د ایران ولسمشرد ماسکو له سفره نن تهران ته راستون شو
د ایرنا د خبر له مخې، د روسیې له ولسمشر ولادیمیر پوتین سره دوه اړخیزه کتنه او خبرې اترې، د لوړ رتبه پلاویو کتنه او د دواړو هیوادونو د ګډو او دلچسپو مسائلو په تیره بیا د غزې د اقتصادی مسائلو او پرمختګونو په هکله بحث او د نظر تبادله روسیې ته د ډاکټر رئیسي د سفر د پلانونو یوه برخه وه .
د ایران ولسمشر سید ابراهیم رئیسي چې د یوه لوړ پوړي سیاسي او اقتصادي پلاوي په مشرۍ د روسیې د ولسمشر ولادیمیر پوتین په بلنه د زیارت په سهار مسکو ته تللی و، د دغه هیواد له ځینو چارواکو سره له کتنو وروسته د تهران په لور روان شو.
د ایرنا د خبر له مخې، د روسیې له ولسمشر ولادیمیر پوتین سره دوه اړخیزه کتنه او خبرې اترې، د لوړ رتبه پلاویو کتنه او د دواړو هیوادونو د ګډو او دلچسپو مسائلو په تیره بیا د غزې د اقتصادی مسائلو او پرمختګونو په هکله بحث او د نظر تبادله روسیې ته د ډاکټر رئیسي د سفر د پلانونو یوه برخه وه .
ابراهیم ریسي روسیې ته له تلو مخکې په مهر آباد هوایي ډګر کې په یولړ څرګندونو کې وويل، دغه سفر د سیمې د حساسو مسئلو او د دواړو هېوادونو ترمنځ په مختلفو حوزو کې د اړیکو د پراختیا لپاره ترسره کېږي.
ریسي د دې خبرې په کولو سره چې د سیمې د ګټو او د دواړو هېوادونو د اړیکو د پراختیا لپاره ښه ګامونه پورته شوي دي زیاته کړه، د دواړو هېوادونو نظر په سیمې کې سولې او ثبات ته دې او د سیمې او له سیمې ورهاخوا مسئلو په باب نظر یو مشترک نظر لرو.
د ایران د اسلامي جمهوریت ولسمشر د انرژۍ او صنعتي او کرهڼيزو اړیکو د کرښو پیاوړتیا، د ایران او روسیې د ملګرتیا حوزې وبللې او ټينګار یې وکړ، د غزې د بمباریو د فوري غوڅېدا او د غزې د خلکو د کلابندۍ د ختمیدا لپاره او د فلسطین له ولس سره د مرستې لپاره فوري هڅه او حقه حقونو ته د فلسطینیانو رسېدا به په دغه سفر کې د مهمو مشورو برخه وي.
ایران او روسیه د دوو اړخیزو اړیکو په تیره بیا د اقتصادي، پوځي او امنیتي اړیکو او همداراز د امریکا د یواړخیز پالنې له کړچار سره د مقابلې په څېر د سیمه ایزو او نړیوالو مسئلو په باب ګډې ستراټیژيکې ټکې لري او دا په وروستیو کلونو کې د دواړو لورو د ملګرتیا اصلي عوامل دي.
