د مقاومت د محور تر مینځ همکاری باید اقتصادي برخې ته وغځیږي

د ایران د ملی امنیت د شورا منشي وویل:  د مقاومت محور لکه څرنګه چي په دفاعي، سیاسي او امنیتي برخو کې له یو بل سره ږغملتیا کوي، باید په اقتصادي برخه کې هم له یو بل سره همکاري وکړي.

د ایران د اسلامي جمهوریت د امنیت شورا منشي علی اکبر احمدیان په تهران کې د سوریې له لومړي وزیر حسین عرنوس سره په کتنه کې د دې په بیانولو چي سوریه د مقاومت د جبهې له مهمو هیوادونو څخه دی، وویل: د فشارونو سربیره د تهران او دمشق تر مینځ اړیکې له پخوا راهیسې پیاوړي پاتې شوې دي او دواړه هیوادونه په سختو حالاتو کې د یو بل مرستې ته ورډانګلې دي او ځلاندې لاسته راوړنې تر لاسه کړي دي.

د ایران د ملي امنیت د شورا منشي همدارنګه په نیواکي فلسطین کې روانو حالاتو ته په اشارې سره، جوته کړه: نن سبا صهیونیستي رژیم د امریکا او د غربي هیوادونو د هر اړخیزو ملاتړ سربېره بیا هم په غزې کې خپلو اهدافو ته رسېدلی نه دی، او دا ښودنه کوي چي امریکا نور په سیمه کې د خپلو سیاستونو د عملي کولو وړتیا نه لريږ

د سوریې لومړي وزیر حسین عرنوس هم د ایران د ولس او د حکومت له ملاتړ څخه په قدرونې سره، د دواړو هیوادونو تر مینځ په اقتصادي ډګرونو کې د همکاریو غوښتونکی شو.

د سوریې لومړي وزیر زیاته کړه: د مقاومت د جبهې یووالې سبب شو چي په غزې کې د امریکا او د صهیونیزم دسیسه ناکامه شي.

د سوریې لومړي د دواړو هیوادونو تر مینځ د ګډې اقتصادي کمیټې په غونډه کې د ګډون په موخه تهران ته راغلی دی.