امیر عبداللهیان:
تل ابیب دې د سخت ګوزار په تمه ووسي
د ایران د اسلامي جمهوریت د بهرنیو چارو وزیر په سوریې کې د ایران د جګپوری فوځي سلاکار جنرال سید رضی موسوي د شهادت په مناسبت د خواخوږی په څرګندولو سره، ټینګار وکړ چي اسرائیل رژیم دې د سخت ګوزار په تمه دې ووسي.
د ایرنا له راپور سره سم، د ایران د اسلامي جمهوریت د بهرنیو چارو وزیر امیر عبداللهیان په خپله رسمي ایکس پاڼې کې د اسرائیل رژیم ته د سخت ګوزار ګواښ وکړ.
تېره ورځ د سوریې په پلازمینې دمشق ښار کې د ایران د اسلامي جمهوریت جګپوري فوځي چارواکی جنرال سید رضي موسوي، چي د داعش له ترهګرې ډلې او ټروریزم سره په مبارزه کې د سلاکار رول لوبول او د محور مقاومت د ملاتړ مسئول وو، د اسرائیل د رژیم له خواپه توغندوي برید کې ټرور شو او په شهادت ورسېدل.
د ایران خارجه وزیر امیر عبداللهیان د دې پېښې په خاطر د ایران او د سوریې ولسونو او د دغه شهید له کورنۍ سره غمشریکي څرګنده کړې ده.
د هغه په وېنا شهید سید رضي موسوي کلونه کلونه په سیمه کې د شهید حاج قاسم سلیماني تر څنګ له ټروریزم سره مبارزه کړې ده.
