د حضرت امام محمد باقر (ع) د نیکمرغه زوکړې مبارکي ومنئ
د امام محمد باقر (ع) د علمی مقام شهرت دومره وو چې ټولو مؤرخینو، مسلمانو او غیر مسلمانو، د هغو د کمالاتو په بیانولو کښې له استثنا پرته د امام محمد باقر (ع) علمی مقام ته اشاره کړی ده .
نن د ۱۴۴۵ هجري قمري کال د رجب د میاشتې لومړۍ نیټه ده چې د ۲۰۲۴ میلادي کال د جنورۍ له دیارلسمې نیټې سره برابره ده چې د نړۍ د شیعیانو د پنځم امام حضرت محمد باقر (ع) د زوکړې ورځ ده.
حضرت امام محمد باقر (ع) د ۵۷ هجري قمري کال د رجب د میاشتې په لومړۍ نیټه د مدینې په ښار کښې وزیږید.
د امام محمد باقر (ع) عظمت او مقام د عام او خاص په ژبه وو ، په هر ځای کې چې د هاشميانو، علويانو او فاطميانو د عظمت يادونه کیدلې ، هغه حضرت د دې ټولو سپېڅلتيا، زړورتيا او عظمت يوازنی وارث وپېژندل کیده .
د امام باقر (ع) کنیه "ابو جعفر" او د هغو ترټولو مشهور لقب "باقر العلوم" دی چې معنی یې د علومو څیرونکې دی، ځکه چې هغه حضرت (ع) د فکري ستونزو څیرونکی او د علومو د پیچلیتاو او ستونزو حل کوونکی او د علم او پوهې په ډګر کې د خپل وخت يو بې ساري شخصيت و.
د امام محمد باقر (ع) د علمی مقام شهرت دومره وو چې ټولو مؤرخینو، مسلمانو او غیر مسلمانو، د هغو د کمالاتو په بیانولو کښې له استثنا پرته د امام محمد باقر (ع) علمی مقام ته اشاره کړی ده .
تر ټولو زړه راښکونکې څېره او تر ټولو سخي انسان د امام محمد باقر (ع) له ځینو ځانګړنو دي.
د ایران د اسلامي جمهوریت دراډیو او ټیلی ویژن اداره ( صدا و سیما )د حضرت امام محمد باقر (ع) د نیکمرغه زوکړې د کلیزې د رارسیدو په مناسبت د نړۍ ټولو مسلمانانو ته مبارکي وایي.
