د مازندران په بندرونو کې د ایران او قزاقستان ګډه پانګونه
د مازندران ولایت د اقتصادي چارو د همغږۍ دفتر عمومي مدیر د مازندران په بندرونو کې له قزاقستان سره د ګډې پانګونې خبر ورکړ.
د ایرنا د خبر له مخې، د مازندران ولایت د اقتصادي چارو د همغږۍ دفتر مشر سید عباس حسیني، د مازندران د اقتصادي ظرفیتونو د لیدنې په موخه د قزاقستان د اقتصادي او تجارتي پلاوي د سفر په څنډه کې وویل: د ایران او قزاقستان ترمنځ په بندرونو او آزادیو سیمو کې ګډې پانګونې، د صادراتو د زیاتولو او اقتصادي پراختیا په هدف د تهران د سیمه ایزې ډیپلوماسۍ په اجنډا کې دي.
د مازندران د سوداګرۍ خونې د پلان له مخې به، د قزاقستان د مینګستاو سوداګریز پلاوی، په اوه ورځني سفر د مازندران ولایت له بېلابېلو سیمو څخه لیدنه وکړي.
د مازندران له بندرونو، د ګلانو او نباتاتو د تولید له واحدونو، د کرنیزو محصولاتو د صادراتو له ترمینل او له سیاحتي سیمو څخه لیدنه، له قزاقستان څخه مازندران ته د دغه سوداګریز پلاوي له پلانونو څخه دي.
همدارنګه د اقتصادي فعالانو او د اقتصادي بنسټونو له مدیرانو سره ګډه ناسته، له تاریخي او کلتوري موزیمونو څخه لیدنه او د ساري ښار د شورا له غړو سره ناسته د قزاقستان د سوداګریز پلاوي نور پلانونه دي.
