د ایران د ستر پوځ یوه وړه ننداره/ له ایراني عکاسانو څخه د پارس ټوډی غوره کړي انځورونه
Apr 21, 2024 11:35 Asia/Kabul
-
د ایران د پوځ د یو سرتیري عکس چې په خپلې مرۍ باندې په جوړ کړي ټیټو سره د ایران بیرغ سره د Home یعنې کور کلمه ايي
پارس ټوډی – د ایران د اسلامي جمهوریت پوځ د ایران د اسلامي جمهوریت د وسله والو ځواکونو اصلي جوړښت او برخه ده. د پوځ اصلي دنده «د هیواد د خپلواکۍ او ځمکنۍ بشپړتیا ساتنه» ده.
نن سبا د ایران پوځ د ځمکني ځواک، سمندري ځواک، هوايي ځواک او دافع هوا ځواک په شمول په څلورو ځواکونو مشتمل دی چې د سپاهِ پاسداران او هم د پولیسو د قومندانۍ په ملتیا، د ایران د اسلامي جمهوریت د وسله والو ځواکونو ټولګه جوړوي.
په دې لیکنه کښې د هیواد د اساسي قانون له مخې د ایران د پوځ دندې، د دغه ځواک له انځورونو سره یوځاې بیانوو.
پوځ د هیواد د خپلواکۍ او ځمکنۍ بشپړتیا او د جمهوري اسلامي نظام ساتنه په غاړه لري.
پوځ باید اسلامي، مکتبي او ولسي وي.
هیڅ بهرنی کس د هیواد په پوځ او پولیس ځواکونو کښې په غړیتوب نه اخیستل کیږي.
په ایران کښې د هر ډول بهرنۍ پوځي اډې جوړول، که څه هم د صلحه ایز استعمال په نامه وي، منع دي.
حکومت باید د صلحې او امن په وخت کښې د اسلام د عدل د اصولو په پوره خیال ساتنې سره د پوځ له کسانو او تخنیکي تجهیزاتو څخه د مرستې، ښوونې، تولید او آبادونې په کارونو کښې استفاده وکړي.
حکومت موظف دی چې د هیواد د ټولو کسانو لپاره د اسلامي اصولو مطابق د پوځي روزنې پروګرام او امکانات برابر کاندي.
