نړیواله ټولنه باید ژر تر ژره د صهیونیسټي رژیم مخه ونیسي
د ایران د بهرنیو چارو سرپرست وزیر ويلي چې: له بده مرغه سیاسي، دوه مخي او غلطې هڅې د دې لامل شوي چې د غزې د ناورین لپاره هڅې بې نتیجې پاتې شي.
د ایران د بهرنیو چارو سرپرست وزیر د سره صلیب د نړیوالې کمېټې له مشرې میریانا سپولیاریک ایګر سره لیدنه او خبرې اترې کړي دي.
په دغه کتنه کې باقري د فلسطین او غزې په تړاو د سره صلیب د نړیوالې کمېټې د هلو ځلو د قدردانۍ ترڅنګ، د فلسطین د مظلومو خلکو بشري حالت ډېر اندېښمنوونکی وباله او ویې ویل: له بده مرغه چې دغه دوه مخي، دوه ګوني او ناسم سیاستونه د دې لامل ګرځېدلي چې د غزې د کړکېچ د پایته رسولو هڅې تر اوسه بې پایلې پاتې شي."
هغه زیاته کړې: له بده مرغه په غزه کې په هر ساعت کې له شلو زیات کسان شهیدان او ژوبل کېږي، هغه څه چې پیښ شوي یو انساني ناورین دی. نړیواله ټولنه باید ژر تر ژره د صهیونیسټي رژیم مخه ونیسي او هغه حساب ورکولو ته اړ کړي.
په دغه کتنه کې د سره صليب د نړيوالې کمېټې مشرې ميريانا سپولياريک ايګر په غزه کې د بشردوستانه حالاتو په اړه خپله انديښنه څرګنده کړې او له سره صليب سره يې د ايران د اسلامي جمهوريت د مرستو مننه وکړه.
هغې د غزې د اوسېدونکو د بشري کړاوونو د کمولو په برخه کې د سره صليب د نړيوالې کمېټې د هڅو په بيانولو سره ویلي چې، غزې ته به د بشري مرستو د لېږلو لپاره خپلې ټولې هڅې په کار واچوي.
