ایران روسیې ته د بالسټیک توغندیو د استولو ادعا رد کړه.
په ملګروملتونو کې د ایران دایمی استازي تیر ماښام په داسې حال کې چې روسیې ته د بالسټیک توغندیو د استولو ادعا یې رد کړه، اعلان وکړ چې د اوکراین د شخړې په اړه د ایران د اسلامي جمهوریت دریځ نه دی بدل شوی.
په ملګروملتونو کې د ایران دایمی استازي تیر ماښام په داسې حال کې چې روسیې ته د بالسټیک توغندیو د استولو ادعا یې رد کړه، اعلان وکړ چې د اوکراین د شخړې په اړه د ایران د اسلامي جمهوریت دریځ نه دی بدل شوی.
په همدې حال کې د اوکراین په جګړه کې له روسیې څخه د ایران د ملاتړ په اړه د امریکايي سرچینو د ادعاوو په دوام کې د سپینې ماڼۍ یوه چارواکي ویلي دي چې له ایران څخه روسیې ته د بالستیک توغندیو انتقال له مسکو څخه د تهران د ملاتړ په برخه کې یو ستر پرمختګ دی.
دغه امریکايي چارواکي د وال سټریټ ژورنال د ادعا په تکرارولو سره ادعا وکړه چې له ایران څخه روسیې ته د لنډ واټن ویشتونکو بالستیک توغندیو استول به له مسکو سره د تهران د ملاتړ په تړاو د ژور کړکېچ لامل شي.
خو ایران دغه تورونه رد کړي او ویلي یې دي چې د ایران د اسلامي جمهوریت پر ضد دا ډول ادعاوې په بشپړه توګه درواغ دي او د تهران پر وړاندې د واشنګټن د دښمنۍ پر بنسټ دي.
