دا یو نړیوال ګواښ دی

د ایران د خارجه وزارت ویاند د اسرائیل د رژیم له لورې د موبایلونو او مخابرو له لارې د لبنان د خلګو وژنه، د ډله وژنې بېلګه وبلله.

د ایران د خارجه وزارت ویاند ناصر کنعانی وویل: په لبنان کې د دغه وروستی ټروریستي عملیات، د اسرائیلو او د هغوی د مزدورانو د عملیاتونو په دوام کې او له ټولو اخلاقي، انساني، او نړیوالو حقوقو په خلاف تر سره شوي او د نړیوال تعقیبونې، محاکمې او سزا لامل ګرځي.

کنعانی زیاته کړه: دغه ترکیبي ټروریستي اقدام، چي په حقیقت کې یو ډول ډله وژنه  ده، یو ځلې بیا په ښکاره توګه دا ثابتوي چي صهیونیست رژیم د فلسطین د خلګو په خلاف د نسل وژنې او جنګي جنایتونو تر سره کولو ماسېوا، نړیواله سوله، سیمه ایزه امنیت او ثبات ته جدي ګواښ رامینځ ته کړی دی.

هغه جوته کړه: په دې خاطر د اسرائیل د رژیم له ټروریستي اقداماتو او ګواښونو سره مقابله یو څرګند ضرورت دی او اړتیا ده چي نړیواله ټولنه د صهیونیست رژیم د سزا کولو لپاره چټک اقدام وکړي.

دې سره هممهاله په ملګرو ملتونو کې د ایران د اسلامي جمهوریت دائمي استازی په لبنان کې د اسرائیل د رژیم د ټروریستي برید په غندلو سره وویل: اسرائیل رژیم باید د دغه بوږنوونکی جنایت او یرغل سزا وویني.

رسنیو تېره ورځ هم د لبنان په ځینو سیمو کې د مخابراتي دستګاو د چاودېدلو خبر ورکړ.

د لبنان د روغتیا د وزارت د راپور له مخې، په دغه ټروریستي اقدام کې دریو زرو نه زیات  کسان ژوبل شوي او ۱۱ تنه هم شهیدان شوي دي.