د ایران او روسیې ترمنځ د کتابتون د همکارۍ تړون لاسلیک شو
تهران راډیو ـ د روسیې د دولتي کتابتون او د اسنادو د تنظیم او د ایران د اسلامي جمهوریت د ملي کتابتون ادارو ترمنځ د همکارۍ هوکړه لیک لاسلیک شو.
د اسلامي ثقافت او ارتباطاتو د ادارې د عامه اړیکو او اطلاعاتو مرکز د معلوماتو له مخې؛ د روسیې د دولتي کتابتون او د اسنادو د ادارې او د ایران د اسلامي جمهوریت د ملي کتابتون ادارې ترمنځ د همکارۍ موافقه د وادیم دوده او غلام رضا امیرخاني له خوا لاسلیک شوه.
د موافقتنامې له لاسلیکولو وروسته، دواړو خواوو د دوه اړخیزو اړیکو پر پراختیا د ټینګار ترڅنګ، د دواړو هېوادونو ترمنځ د همکاریو د ژورتیا په موخه په راتلونکي کې د خپلو کاري لومړیتوبونو په ګډون، د دې هوکړو عملي کولو ډاډ څرګند کړ.
په دې تړون کې چې د تبادلې د پراختیا او د دوه اړخیزو ګټو د همکارۍ د چاپیریال د رامنځته کولو په هدف لاسلیک شوی، د وظیفوي مسؤلیتونو او د ملي قوانینو سره سم د 5 کلونو په موده کې د کلتوري پروګرامونو په پلي کولو کې همکاري په پام کې نیول شوې ده.
څیړنه او پراختیا او د کټګورۍ په برخه کې د تجربو شریکول، ډیجیټل کول، د کتابتونونو ترمنځ اړیکو، د ګډو فعالیتونو پلان کولو کې همکاري لکه د سرچینو لیستونو تبادله، د اسنادو او نسخو ډیجیټل نسخه، د ګډو ساینسي پیښو شریکول او نندارتونونه جوړول، د ساینس او څیړنې ساحه د اړوندو مسلو په اړه او د څیړنې مقالې، تعلیمي مواد او د څیړنې پایلې شریکول د دې پروګرامونو مهمې موخې دي.
د ایران د اسلامي جمهوریت د ملي کتابتون او اسنادو د ادارې مشر غلام رضا امیرخاني ماسکو ته په سفر کې د بریکس د غړو هېوادونو د ملي کتابتونونو د مشرانو په غونډه کې، چې د روسیې د دولتي کتابتون په کوربه توب جوړه شوې وه ګډون وکړ.
