عراقچي: په ایران کې غني کول یوه بنسټیزه مسئله ده
د ایران د بهرنیو چارو وزیر، سید عباس عراقچي، یو ځل بیا د غني کولو د حق په ساتلو ټینګار وکړ او ویې ویل: "په ایران کې د یورانیمو غني کول یوه اصولي او بنسټیزه مسله ده."
د تسنیم خبري اژانس په لیکنه، د بهرنیو چارو وزیر د الشرق شبکې سره په مرکه کې وویل: "په ایران کې غني کول یوه اصولي او بنسټیزه مسله ده. دا د ایراني ساینس پوهانو لخوا په یوه خورا پیچلي ډګر کې یوه لویه علمي لاسته راوړنه ده."
هغه یادونه وکړه: "د ایران غني سازي وارداتي نه ده او له هیڅ ځای څخه نه دي راغلي، بلکې زموږ لخوا پخپله تولید او جوړ شوي دي. په دې وجه د ایران د خلکو لپاره ډیر زیات ارزښت لري."
د بهرنیو چارو وزیر ټینګار وکړ: "په ځانګړې توګه له هغه وخته چې موږ د غني کولو له امله کلونه تر بندیزونو لاندې وو، او د ایران خلکو د غني کولو له امله د بندیزونو کړاونه وزغمل."
عراقچي په دوام کښې وویل: "تر ټولو مهمه دا چې زموږ یو شمیر ساینس پوهان د غني کولو په برخه کې د دوی د رول له امله ووژل شول او شهیدان شول. له همدې امله، د یورانیمو د پخولو دا ستره ونه زمونږ د شهیدانو په وینو خړوب شوې او په هیڅ توګه ورڅخه نه شو تیریدی.
