د ایران او روسیې د ګډو پروژود بشپړولو چټکتیا اړینه ده
پارس ټودي - د ایران د اسلامي جمهوریت د ملي امنیت د لوړې شورا منشي علي اکبر احمدیان او د روسیې د ملی امنیت د لوړې شورا له منشي سرګئ شویګو سره په مسکو کې په خپلې کتنې کې د دوهاړخیزو اړیکو پر پراختیا او د دواړو هیوادونو د ګډو پروژو پر چټک عملي کولو ټینګار وکړ.
پارس تودي د ایرنا له قوله راپور ورکړی، د ایران د ملي امنیت د عالي شورا منشي علي اکبر احمدیان په دغې نننئ کتنې کې وویل؛د دوهاړخیزو تړونونو عملي کول دوامدارو تعقیبونو ته اړتیا لري او د دغو تړونونو په پلي کولو سره به د اقتصادي ملګرتیاؤ اندازه تر پام وړپورې زیاته شي.
احمدیان د خبرو اترو له لارې د مسئلو د حل لپاره د ایران کلک هوډ ته په اشارې سره زیاته کړه،ایران به د ایټمي سونګو بډائ کولو د پروسې د ساتنې او د سولهییزې ایټمي پوهې د کارونې په خپلو اصولو کې هېڅکله شاتګ ونه کړي.
سرګئ شویګو هم د ایران او روسیې ترمینځ د جامع سټراټیژیک تړون د لاسلیک کولو په اړه وویل، دا تړون د سیاسي، امنیتي، اقتصادي، کلتوري او ټولنیزو برخو کې د دوهاړخیزو ملګرتیاؤ د پراختیا لپاره قانوني بنسټ دی.
د روسیې د فیډریشن د امنیت شورا منشي د سیمې د هیوادونو له خوا د سیمې د امنیت د ټینګښت پر اړتیا ټینګار وکړ او له سیمې د بهرنیو لوبغاړو مداخلت ئې د سیمې د حکومتونو او ولسونو په زیان وباله.
