د ایران د توغندیو خولۍ دوه ټنيزې شوې + انځورونه
پارسټوډي – له دې وړاندې، د ایران د توغندیو د سرجنګیو یا خولیو زیات نه زیات وزن ۱۸۰۰ کیلوګرامه و، خو اوس د ۲ ټنيزې خولۍ لرونکي توغندي په بریمنې ازموینې سره، د ایران دفاعي ځواک نور هم پیاوړی شوی دی.
د ایران دفاع وزیر امیر عزیز نصیرزاده د دولت د کابینې د غونډې په څنډه کې وویل: «مونږ د دفاع په برخه کې ډېرې ښې لاسته راوړنې لرلې. زموږ وروستی بریالیتوب یوه اوونۍ وړاندې وو چې یو توغندی مو د ۲ ټني خولۍ یا وار هیډ سره په بریالیتوب وازمایه.
د پارس ټوډی د خبر له مخې، د ۱۴۰۲ کال د غبرګولي په څلورمه، خرمشهر-۴ (چې خیبر هم بلل کیږي) توغندی د ایران د دفاع وزیر له خوا معرفي شو.
دا توغندی د خرمشهر د لړۍ وروستی پرمختللی غړی دی، چې په هدف باندې رسا لګي او په وروستي پړاو کې هدایت ته اړتیا نه لري.
برخې او ځانګړتیاوې:
واټن: نږدې ۲۰۰۰ کیلومتره
اوږدوالی: ۱۳ متره
قطر: ۱.۵ متر
وزن: شاوخوا ۳۰ ټنه
د خولۍ وزن: له ۱۸۰۰ کیلوګرامو زیات
سرعت: دننه فضا کې ۸ ماخ، د ځمکې له فضا بهر تر ۱۶ ماخ
کابو ۴ میټره اوږد دا توغندی یو ډیر ستر او اغیزناک وارهیډ لرونکی میزایل دی چې څه باندې یو ټن چاودونکي موادو لیږدولی شي.
یو له هغو دی چې د ډېرو خطرناکو سرجنگیو وړتیا لري. دا توغندی له پرمختللي "اروند" مایع سونګ لرونکي انجن باندې مجهز دی، چې هایپرګولیک (خپله بلیدونکي) سونګ کاروي. دا انجن د توغندي په دننه کې ځای پر ځای شوی چې د اوږدوالي د کمښت لامل شوی.
نورې ځانګړتیاوې:
په رادار کښې نه ښکاري، د الکترونیکي جګړې پر وړاندې مقاومت، او دقیقه هدف ویشتنه کوي. هدایتکوونکی سیستم یې د فضا نه وروسته بنده شي چې له امله یې د دښمن د مداخلې امکان نلري. د منځنۍ مرحلې هدایت پر اساس، د دقیقې نقطې هدف ویشتنه تر سره کوي
د سپاه پاسداران د هوافضا ځواک د قوماندان خبرې:
د سپاه د هوا-فضا ځواک قوماندان سردار امیرعلي حاجيزاده وايي: «کله چې یو خرمشهر توغندی توغول شي، په هدف سیمه کې ۸۰ اهداف ویشتلی شي. که ۱۰۰ توغندي وویشتل شي، د دښمن په خاوره کې ۸ زره راکټونه جوړوي او ۸ زره موخې له منځه وړي.»
د ایران توغندیز ځواک محدود نه دی:
ایران دا مهال ګڼ او مختلف ډوله توغندي لري چې په دا ډول دي:
عماد (۱۷۰۰ کیلومتره)
قدر H (۱۶۵۰ کیلومتره)
قدر F (۱۹۵۰ کیلومتره)
قیام (۸۰۰ کیلومتره)
خیبرشکن (۱۴۵۰ کیلومتره)
حاجقاسم (۱۴۰۰ کیلومتره)
سجیل (۲۰۰۰ کیلومتره)
کروز پاوه (۱۶۵۰ کیلومتره)
او په دې وجه یې په دفاعي او جنګي برخه کښې د پام وړ توان او قدرت نندارې ته وړاندې کړی دی.
د ایران دفاعي وړتیاوې:
د ایران دفاعي ځواک د توغندوي ځواک ترڅنګ، پرمختللي دفاعي سیستمونه، د سایبري او الکترونیکي جګړې سازوسامان او ډرونونه او استخباراتي وړتیاوې هم لري. وروستي استخباراتي عملیات چې د اسرائیلو محرمانه اسناد یې افشا کړل، د ایران د اطلاعاتي ځواک ښکارنده نښې دي.
