پزشکیان: بریکس دې له یواړخیزپالنې سره په مقابله کښې چورلیزي رول ولوبوي
پارس ټوډی – د ایران ولسمشر وویل: په اوسني نړیوال نظم کښې د عدالت او ثبات لپاره یو ډیر ستر ګواښ، د یواړخیزو اقداماتو زیاتیدل او له بندیزونو اوزاري استفاده ده.
د ایران ولسمشر مسعود پزشکیان پرون دوشنبه د بریکس په غیر معمولي مجازی سرمشریزه کې د ویډیو کانفرنس له لارې په اقتصادي چاپیریال او د څواړخیز نظام په حالت باندې په تمرکز سره د نړۍ د روانو حالاتو په موضوع وینا وکړه.
د ایران ولسمشر په دې خبرې سره چې د اوسني نړیوال نظم سرسڼه کول، د امنیت شورا په جوړښت او تګلارې کښې له بیاکتنې واخلې نړیوال مالي نظام تراصلاح پورې، د نړیوالې واکمنۍ په جوړښت کښې جدي اصلاح ته ضرورت لري، زیاته کړه: په دې لاره کښې د بریکس په شان ډلې او نور سویلي نړیوال ارګانونه څوقطبي، ډیموکراټیک او عادلانه نظم ته په لارښوونه کښې ځانګړی مسئولیت لري، د یو داسې نظم په لور چې په کښې د ټولو هیوادونو په تیره بیا مخ په ترقۍ هیوادونو غږ واوریدل شي.
