د ازادې غیږنیونې د ملي ټیم ویاړمنو اتلانو؛پر تاسو آفرین وي
د ایران د انقلاب مشر پیغام د ازادې کشتۍ ملي ټیم اتلانو ته: ستاسو د حیرانونکي هڅو او ستاینې وړ چلند له امله مننه کوم
پارسټوډي - د ایران د اسلامي انقلاب ستر لارښود د ۲۰۲۵ کال په نړیوالو سیالیو کې د ایران د ازادې غیږنیونې د ملي ټیم په اتلولۍ پسې په یوه پیغام کې د دوي د حیرانونکي هڅو او اتلوال چلند ستاینه وکړه.
د ۲۰۲۵ کال په نړیوالو سیالیو کې د ایران د ازادې غیږ نیونې یا کُشتئ ملي ټیم له اتلولۍ وروسته، د ایران د اسلامي انقلاب معظم لارښود، حضرت آیتالله العظمی سید علی خامنهای، په یوه پیغام کې د دوي د حیرانونکي هڅو،زیار او ستاینې وړ چلند ستاینه وکړه.
د پارستودي د راپور له مخې، د اسلامی انقلاب د معظم لارښود د پیغام متن ستاسو خدمت ته وړاندې کوو.
بسم الله الرحمن الرحیم
د کُشتۍ یا غیږنیونې د نړیوالې اتلولۍ په خاطر د غیږ نیونې ملي ټیم ته د دوي د حیرانونکي زیار ،هڅو او بیا ستاینې وړ چلند مننه کوم پر تاسو آفرین وي. د ځواک او معنویت ترکیب د لوړو ارزښتونو رامینځته کوونکی دی. ستاسو په ویاړ!
سیدعلي خامنهای
د ۱۴۰۴ کال د وږي یا سنبلې ۲۵
د ایران د اسلامي جمهوریت د ازادې غیږ نیونې یا کُشتئ ملي ټیم، ۱۲ کاله وروسته د نړیوالو غیږنیونې د نړیوالو سیالیو اتل شو او د دغو سیالیو په تاریخ کې ئې د ایران شپږمه اتلولي ثبت کړه.
