ولایتي: له صنعا نه تر نجف پورې د مقاومت جبهه یوه ده
پارستودي- د اسلامي انقلاب د معظم رهبر سلاکار علياکبر ولایتي په یو پیغام کې ویلي، دښمن هڅه کوي په ډګر کې د خپلې ماتې د جبران لپاره د «ډګرونو یووالی» له دننه څخه له منځه یوسي.
د پارستودي د راپور له مخې، علياکبر ولایتي د جمعې په ماښام په دغه پیغام کې لیکلي: «نن په نجف کې دغې تفرقې خپل مخ ښکاره کړ او هغه هوايي ډګر چې د امیرالمؤمنین (ع) د مینهوالو د زیارت دروازه وه، وتړل شو.»
د اسلامي انقلاب د رهبر سلاکار د عراق لومړي وزیر ته په خطاب کې لیکلي: «ښاغلیه الزیدي! مشروعیت له واشنګټن څخه نه راځي؛ بلکې د نجف له خاورې او د شهیدانو له وینو څخه راځي. "الاطار" هغه چوکاټ چې د مقاومت له باور او د شهیدانو له وینو څخه ټینګ شوی، نن یې چوپتیا د واک پر دېوال یو تش چوکاټ دی؛ خو باید پوه شي چې هغه ډګرونه چې په وینو سره تړل شوې دي، په دسیسو سره نه شي بېلېدای.»
ولایتي ټینګار کړی: «له صنعا تر نجف پورې د مقاومت جبهه یوه ده.»
