د امریکې بشري حقوق له ترهګرۍ د ملاتړ په معنا دي
د اهل بیت علیهم السلام د نړیوالې ټولنې عمومي منشي څرګنده کړه: د امریکې بشري حقوق د بیګناه خلکو په وژلو، د صهیونیسټي رژیم په ملاتړ او په ټوله نړۍ کښې د ترهګرۍ په حمایت کښې خُلاصه کیږي.
د ایرنا د خبر له مخې آیت ا... محمدحسن اختري تیره شپه د ایران په کرمان ښار کښې په دې خبرې سره چې امریکايي آزادي او ولسواکي د واشنګټن د سلطه غواړو سیاستونو په وړاندې د تسلیمیدو په معنا ده، زیاته کړه: د امریکې انډیوالو هیوادونو د میانمار او یمن په شمول مختلفو هیوادونو کښې د مسلمانانو خلاف جنایتونو په وړاندې خوله ګنډلې ده.
هغه همداشان ټینګار وکړ چې د داعش په شمول ترهګرې ډلې د امریکې په لارښوونه او د ځینو عربو هیوادونو په پیسو سره د مسلمانانو وحدت او یووالی خرابوي.
آیت ا... محمد حسن اختري، سعودي رژيم په سیمه کښې د امریکې نفوذي وباله او زیاته یې کړه: واشنګټن د عربستان په کارولو سره په سیمه کښې شیعه او سني مسلمانانو ترمینځ د وحدت خرابولو په لټه کښې دی.
هغه همداشان وویل: د عربستان خلک حتی ډیر ابتدايي حقوق هم نه لري خو امریکا تل د ریاض د حکومت ملاتړ کوي.
