ځینې هیوادونه له ترهګرۍ اوزاری استفاده کوی
-
تهران د هیڅ هیواد لخوا دکیمیاوي وسلو کارول نه مني .
زمونږ خبریال وایی په سیاسی چارو کښې د ایران داسلامی جمهوریت د بهرنیو چارو دوزیر لوړرتبه مرستیال حسین جابر انصاری په سوریې کښې له کیمیاوی وسلو د استفادې د موضوع مطرح کول له ترهګرۍ د اوزاری استفادې د دوام لپاره د ځینو قدرتونو د فضا جوړول وبلل .
هغه پرون په تهران کښې دسوریې په چارو کښې د روسیې د ولسمشر له ځانګړی استازی الکساندر لاورنتیف (Alexander Lavrentiev) سره په کتنې کښې ټینګار وکړ دایران اسلامی جمهوریت د کیمیاوی وسلو له موضوع اوزاری استفاده نه منی .
په سیاسی چارو کښې دایران دبهرنیو چارو د وزیر لوړرتبه مرستیال حسین جابر انصاری وویل که چیرې په سوریې کښې د کیمیاوی وسلو د استفادې په اړه کومه ادعا وی هم نو ایران په دغه مسلې د قانونی غور غوښتونکی دی .
هغه وویل په اوس وخت کښې د کیمیاوی وسلو د ترټولو ستر قربانی په توګه دایران د اسلامی جمهوریت دریځ تل شفاف وو او دی اوتهران د هیڅ هیواد لخوا دکیمیاوی وسلو کارول نه منی .
دروسیې خارجه وزارت هم ویلی دی هغه ادعاګانې چې دسوریې په دوما کښې دکیمیاوی حملې په اړه کیږی یوازې دترهګرو ډلو داقداماتو د پوښښ او په سوریې د بهرنیو هیوادونو د پوځی حملې د توجیه لپاره تعقیبیږی .
