ایران د اسلامي ملګرتیا تنظیم د بیړنۍ غونډې غوښتنه وکړه
د ایران د بهرنیو چارو وزیر بیګا د اسلامي ملګرتیا سازمان د پړاویز مشر په توګه د ترکیې له خارجه وزیر مولود چاووش اوغلو سره په ټیلیفوني خبرو کښې په نیوزیلینډ کښې د ترهګرې حملې او په کښې د مسلمانانو د وژل کیدو په غندلو سره، دغه بوږنونکي جنایت ته د اسلامي هیوادونو د مناسب غبرګون غوښتونکی شو.
د ایران د بهرنیو چارو وزیر بیګا د اسلامي ملګرتیا سازمان د پړاویز مشر په توګه د ترکیې له خارجه وزیر مولود چاووش اوغلو سره په ټیلیفوني خبرو کښې په نیوزیلینډ کښې د ترهګرې حملې او په کښې د مسلمانانو د وژل کیدو په غندلو سره، دغه بوږنونکي جنایت ته د اسلامي هیوادونو د مناسب غبرګون غوښتونکی شو.
د ایرنا د خبر له مخې محمد جواد ظریف په دغه ټیلیفوني اړیکه کښې، یادې ترهګرې پيښې او په نیواکي فلسطین کښې د مسلمانانو جومات ته د اسرائیلي پوځیانو سپکاوي ته په پام سره وړاندیز وکړ چې د اسالمي ملګرتیا سازمان دې د ولسمشرانو یا خارجه وزیرانو په سویه سمدستي یوه بیړنۍ غونډه ترسره کړي.
له بلې خوا د ایران د خارجه وزارت ویاند بهرام قاسمي هم پرون د نیوزي لینډ له حکومته وغوښتل چې د دغه توکمپال اقدام د عاملانو د زرترزره پيژندلو ترڅنګ دې له هغوي سره له هر ډول ملاحظې پرته په پوره عدل او انصاف سره چلند وشي.
