بې اجازې راغلي بهرني ځواکونه دې له سوریې ووځي
د ایران د وسله والو ځواکونو لوې درستیز وویل: کوم ځواکونه چې د سوریې له حکومت سره له غږملتیا پرته په دغه هیواد کښې شتون لري، زر یا پس به له سوریې ووځي.
جنرال محمد باقري پرون د سوریې پلازمینې دمشق ته د رسیدو په وخت وویل: کوم بهرني ځواکونه چې د سوریې د حکومت له اجازې پرته په دې هیواد کښې موجود دي، د ایران، سوریې او عراق په درې اړخیزه غونډه کښې به یې په اړه څیړنه وشي.
هغه زیاته کړه چې سوریې ته یې د سفر موخه د ایران، سوریې او عراق په درې اړخیزه غونډه کښې ګډون دی څو په سیمه کښې له ترهګرو ډلو سره د مبارزې د دوام په هکله تازه غږملتیا او پریکړې وکړي.
جنرال باقري هم داشان وویل چې د سوریې او عراق له پوځي چارواکو سره په جلاجلا ملاقاتونو کښې به له دغو دواړو هیوادونو سره د ایران د وسله والو ځواکونو د ملګرتیاؤ په لړ کښې هم سلامشورې وکړي.
د ویلو ده چې په دې تیرو څو کلونو کښې د ایران، سوریې، عراق او روسیې او د مقاومت د چورلیز ترمینځ ډیرې مناسبې غږملتیاوې شوې دي چې له ترهګرۍ سره په مقابله کښې د پام وړ بریاؤ سبب شوې دي.
