د اروپائی هیوادونویادداشت له نړیوالې ایټمی موافقې سره سمون نه خوری
داسلامی جمهوریت خارجه وزیر پخپل ټولنیز پیغام کې هم د امریکا ولسمشر ټرمپ ته په خطاب کې وئیلی دی،بندیزونه دجنګ جانشین نه ،بلکه پخپله جنګ دی . له ایران سره لنډ جنګ یو توَهّم دی . هرچا جنګ پیل کړ نو دهغه پای به ئې پخپل اختیار کې نه وی ، خبرې اترې او دړکې په یوځای هیڅ ګټه نه لری .
زمونږخبریال راپور راکړ داسلامی ایران خارجه وزیر محمد جواد ظریف د درو اروپائی هیوادونو د یادداشت په غبرګون کې داروپائی اتحادئې دبهرنی سیاست مسئولې ته په یوه لیک کې ټینګار کړی ، ددغه یاددښت محتوا له جامعې نړیوالې ایټمی موافقې سره په تضاد کې ده .
جواد ظریف فډریکا موګرینی ته په دغه لیک کې په نړیوالې ایټمی موافقې او دغه راز د دغې نړیوالې موافقې د غړو حکومتونو دخارجه وزیرانو په ورپسې اعلامیو کې د خپلوژمنو په پاتکیدو کې د اروپائی لورو ډیر اساسی موردونه او لټۍ په ګوته کړی دی .
دایران دخارجه وزیر په لیک کې دغه راز د جامعې نړیوالې ایټمی موافقې دمتن په استناد او له ګډ کمیشن غږملونکی سره دایران د رسمی مکاتبو ته اشاره شوی او د نړیوالې ایټمی موافقې دځینو ژمنتیاؤ د اجرا د کلی یا جزئ درولو لپاره ئې پر خپل حق ټینګار کړی دی .
داسلامی ایران خارجه وزیر په دغه لیک کې یو ځل بیا د دغې نړیوالې ایټمی موافقې پر لورو واضحه کړې ده ، د جامعې ایټمی موافقې دساتلو لپاره یوازینۍ لاره دا ده چې مقابل لوری پخپلو ژمنتیاؤ عمل وکړی .
جواد ظریف زیاته کړې ، اسلامی ایران د ژمنتیاؤ داجرا ددریدا پشمول ددغې نړیوالې ایټمی موافقې په مادو کې د خپلو حقوقو د استفادې لپاره جدی دی او په دغې لاررې کې به هیڅ ډول سیاسی دباؤنه ونه منی .
همداراز دایران داسلامی جمهوریت خارجه وزیر پخپل ټولنیز پیغام کې د امریکا ولسمشر ټرمپ ته په خطاب کې هم وئیلی دی ، بندیزونه دجنګ جانشین نه ،بلکه پخپله جنګ دی . له ایران سره لنډ جنګ یو توَهّم دی . هرچا جنګ پیل کړ نو دهغه پای به ئې پخپل اختیار کې نه وی ، خبرې اترې او دړکې په یوځای هیڅ ګټه نه لری .
