د ایران د وږی د ۳۱ نیټې ځینې مطبوعات
کیهان په خپل لومړی مخ د فارن پالیسی دغې خبرې ته انعکاس ورکړی چی ویلی دی ، د ایران ډیر زیات هوښیار رهبر څرنګه ټرمپ ته ماته ورکړه ؟
جمهوری اسلامی
د اسلامی ایران ولسمشرډاکټرروحاني د آسیا د اتلولی لپاره د والیبال د ملي ټیم د بریا مبارکي وویله . حسن روحاني د ایران د والیبال د ملي ټیم د ټولو لوبغاړو، کوچ او نورو ټولو کارکونکو په قدرونې سره دغه بریا د ایران په سپورټي ویاړونو کښې یوه بله زرینه پاڼه وبلله.
دغې ورځپاڼۍ په خپل لومړی مخ د نورو مطلبونو تر څنګ د ملګرو ملتو د عمومی اسمبلۍ د غونډې د ترسره کیدا په درشل کی د ملګرو ملتو د پخوانی مرستیال دغې خبرې ته هم انعکاس ورکړی دی چی امریکا د ملګرو ملتواداره له بندون سره مخامخ کړی ده .
د امریکا د بهرنیو اړیکو شورا وایی ټرمپ باید ایټمی موافقې ته ستون شی .
په مصرد واکمن نظام پرضد په التحریر میدان کی ولسی اعتراضونه پیل شوی دی .
د یمن انصار ا... غورځنګ په مشروطه توګه په عربستان د حملود درولو خبر ورکړ .
۱۵ تنه فلسطینیان له صهیوینسټو پوځیانو سره په نښته کښې زخمي شول .
په کربلا کی په چاودنې کی ۱۳ کسان مړه او ژوبل شوی دی .ورځپاڼه زیاتوی چی په دغه چاودنه کی چی د کربلا ولایت په شمال کی په یوې پلټونکی پوستې کی شوی ده ، نهه کسان مړه او ۴ نور ژوبل شوی دی .
عراقی سرچینو ویلی دی چی په یوه بس کی دننه بم چاودیدلې دې .
په عراق کی د داعش د ترهه ګرې ډلګۍ له ماتې سره سره تراوسه ددغه هیواد په بیلا بیلو سیمو کی د دغې ترهه ګرې ډلګۍ یو شمیر غړی شتون لری او کله نه کله ترهه ګر اقدامات ترسره کوی .
د داعش ترهه ګره ډله په ۲۰۱۴ میلادی کال کی د امریکا او د هغې د لویدیځو او عربی متحدانو په تیره بیا عربستان په مالی او پوخی مرستو سره په عراق په حملې سره پراخې سیمې ونیولې اوډیر جنایتونه یې وکړل .
کیهان
کیهان په خپل لومړی مخ د فارن پالیسی دغې خبرې ته انعکاس ورکړی چی ویلی دی ، د ایران ډیر زیات هوښیار رهبر څرنګه ټرمپ ته ماته ورکړه ؟
د ایران د اسلامی جمهوریت د بهرنیو چارو وزیر په فارس خلیج کښې د امریکا په پوځي او سیاسي تحرکاتو په نیوکې سره وویل: امریکا دې پوهه شي چې په سیمه کښې به د جنګ پیلونکی د دغه جنګ د ختمولو او پاې ته رسولو توان ونه لري.
ایران د والیبال ملی ټیم د دریم ځل لپاره د اسیا اتل شو .
د مصر انقلابیان له شپږو کلونو وروسته پر مصر د واکمن نظام پرضد د التحریر میدان ته راووتل .
د عراق بدر سازمان وایی که جنګ پیل شی نو د ایرانیانو په څنګ کی به له امریکا سره وجنګیږی .
په هانګ کانګ کی د چین پلویان میدان ته راووتل .
د صیهونیسټ رژیم لومړی وزیر نتانیاهو وایی که وبخښل شم نو له قدرته به څنګته شم .
په کیوبا کی د امریکا او کاناډا په ډیپلوماټانو په حشره کش سره حمله وشوه .
سید حسن نصر ا... وایی د ځینو هیوادونو لپاره تیل له وینې زیات ارزښت لری . د لبنان د حزب ا... غورځنګ مشر سید حسن نصر ا... د عربستان په تیلی تاسیساتو د یمن د پوځ د غچ اخیستونکیو حملو په غندلو کی د ځینو هیوادونو او ادارو په دریځونو نیوکه وکړه او ویې ویل د دغو حملو غندلو وښودله چی تیل له وینې زیات ارزښت لری .
ښاغلی سید حسن نصر ا... همداراز پر دې په ټینګار سره چی د لبنان اسلامی مقاومت په اوسنیو قواعدو او د اسراییلو له هر ډول ګواښ سره په مقابلې پایبند دې ، جوته کړه د صیهونیسټ رژیم له بی پایلیټهن الوتکو سره د مقابلې فیصله د دې سبب شوه چی د دغو الوتکو لخوا د لبنان د هوایی حریم د خلاف ورزۍ اندازه کمه شوه .
سید حسن نصر ا... عربستان او اماراتو ته هم په خطاب کی وویل د ایران پرضد په جنګ او خپلو اندازو کی بیاکتنه وکړئ ځکه چی له ایران سره جنګ به تاسو تباه کړی او کله چی د تاسو په تیلی تاسیساتو یوه حمله داسې پایلې لری نو د نورو حملو نتیجې به بیا څه وی ؟
جوان
د سپاه پاسدارانو عمومی مشر سردار سلامی وویل د تیری ګر دښمن ټاټوبی د جنګ اصلی ډګر جوړوو . سردار سلامی زیاته کړه محدود جنګ ، محدود نه پاتی کیږی مونږه اهل تعقیب او تنبیه یو او دا مو ښودلی ده چی د هر تیری ګر ترختمولو پورې ارامه نه کښینو .
ایران ، چین او روسیه په نږدې راتلونکی کی په عمان سمندرګی کی ګډې مانوری ترسره کوی .
د ایران د اسلامی شورا د ملی امنیت د کمیشن غړی حشمت ا... فلاحت پیشه وویل یمنیانو په ارامکو په حملې سره د جنګ انډول برابر کړ .
پاکستان کښې د ایران سفیر د دواړو هیوادونو ترمینځ د سټراټیجکو اړیکو په پیاوړتیا ټينګار وکړ .
