د اوراېشيا اقتصادي اتحاديې سرمشريزه غونډه په ايروان کښې شروع شوه
د اوراېشيا اقتصادي غونډه د دغې اتحاديې د مشرانو په شتون سره په ايروان کښې شروع شوه. د دغې غونډې مقصد د دوو اړخيزو او څو اړخيزو اقتصادي ملګرتياو او راکړو ورکړو د اسانتيا لپاره د اتحاديې د مشرانو ترمېنځ خبرې اترې او صلاح مشورې دي.
اوراېشيا اتحاديه په ۲۰۱۴ کال کښې د روسيې، آرمېنيا، قزاقستان، قرقېزسان او بلاروس هېوادونو لخوا تشکيل شوه. ټاکل شوې ده د ايران اسلامي جمهوريت هم د لړم د مياشتې له پينځمې نېټې څخه په رسمي توګه په دغې اتحاديې کښې شامل شي.
د دغې اتحاديې وړومبنے هدف د تجارت، تعرفو،د پوله ايزو ګمرکي تعرفو حذفولو د قوانينو يو شان کول او په دې اړه د غړيو ترمېنځ د فېصلو کولو آسانول اعلان شوي دي. همدارنګ دغه اتحاديه غواړي چې په اوچتو سطحو او خپلو اوږدمهالو اهدافو کښې اقتصادي غږملتياو ته هم لاسرسائي پېدا کړي.
د اوراېشيا اقتصادي اتحاديې يوه ترټولو اصلي فائده د دغې اتحاديې د غړيو هېوادونو جغرافيائي تړاو دے. يوه داسې چاره چې د دې سبب کيږي چې د دغو هېوادوو ترمېنځ اقتصادي مبادلات او تجارت اسان شي.
