ایران د اټومی ژمنو د کمولو څلورم ګام پورته کوی

زمونږ خبریال وایی د اسلامی ایران د ولسمشر د دفتر مشر« محمود واعظی» په اټومی تړون کښې د خپلو ژمنو په اجرا کولو کښې د اروپایی هیوادونو د ژمنو ماتولو ته په اشارې سره ټینګار وکړ ایران د اټومی ژمنو د کمولو د څلورم (۴) ګام پورته کولو ته چمتو دی .

هغه نن خبریالانو ته وویل د ایران او د اروپا خبرې اترې دوام لری او که چیرې دواړه لوری موافقې ته ونه رسیږی نو ایران د اټومی ژمنو د کمولو څلورم (۴) ګام پورته کوی .

امریکا د تیر میلادی کال د می دمیاشتې په ۸ نیټه له ایران سره د پینځه جمع یوې ډلې له موافقې چې په ۲۰۱۵ میلادی کال کښې لاسلیک شوی وه په یواړخیزه ډول ووتله .