ایران د دښمن کوچنی خوځښت ته سخت ځواب ورکوی
-
حضرت ایت الله العظمی سید علي خامنه اي دیرغلیز توان پیاوړتیا د ایران داسلامي جمهوریت مسلم حق بللی وو .
زمونږ خبریال وایی د ایران د اسلامی انقلاب د سپاه پاسداران ځواک ویاند برید جنرال رمضان شریف پرون په کرمان ولایت کښې د هیواد لوړ دفاعی وس ته په اشارې سره وویل وسله وال ځواکونه د دښمن کوچنی حرکت ته په سخت ګوزار سره ځواب ورکوی .
هغه وویل د ایران دفاعی وړتیا تر دې حده ده چې هیڅ دښمن په هیواد د تیری کولو جرات نلری .
د ایران داسلامی انقلاب دسپاه پاسداران ځواک ویاند رمضان شریف دغه راز په لویدیځې اسیا (Western Asia) کښې د دښمانانو دسیسو ته په اشارې سره وویل امریکا او اروپا د داعش ډلې د جوړولو لپاره د میلیارډونو ډالرو په لګولو سره نتیجې ته ونه رسیدل او د مقاومت بهیر بریالی شو .
د ایران داسلامی انقلاب ستر لارښود حضرت ایت الله العظمی سید علی خامنه ای هم د ۲۰۱۶ میلادی کال د اګست د میاشتې په ۳۱ نیټه د دفاع وزیر ، د دفاع وزارت د چارواکو ، د محققانو او د متخصصانو په ټول کښې د دفاعی او دیرغلیز توان پیاوړتیا د ایران داسلامی جمهوریت مسلم حق بللی وو .
