دعراق قانونی دنده د ایران د کنسولګریو ملاتړ دی
زمونږ خبریال وایی د ایران د بهرنیو چارو وزیر جواد ظریف په نجف کښې د ایران په کنسولګرۍ د حملې په هکله وویل د عراق د حکومت قانونی دنده د ایران د کنسولګریو ملاتړ دی .
هغه پرون په دې خبرې سره چې د عراق په نجف کښې د ایران په کنسولګرۍ حملې کښې ډیپلوماټانو او سندونو ته کوم تاوان نه دی رسیدلی خو کنسولګرۍ ته زیات تاوانونه رسیدلی دی وویل عراق د رسیدلیو تاوانونو د ورکولو مسولیت پرغاړه لری .
د عراق په نجف کښې د ایران کنسولګرۍ په تیرو څو ورځو کښې دوه (۲) ځله د یوشمیر کسانو لخوا چې مخونه یې پټ کړی وو او د ځایی خلکو له وینا سره سم د نجف ښار وسیدونکی نه وو په اور کښې سوځول شوی ده .
په نجف کښې د ایران د اسلامی جمهوریت په کنسولګرۍ له تیری وروسته د عراق د بهرنیو چارو وزیر محمد علی الحکیم د ایران له خارجه وزیر جواد ظریف سره په ټیلی فونی تماس کښې د ایران له خلکو او حکومت څخه بښنه وغوښتله .
په عراق کښې له بلواګرو او ترهګرو سره زیاتې مرستې سعودی عربستان، متحده عربی اماراتو ، امریکا ، انګلستان او ځینو نورو عربو هیوادونو کړی دی چې دغه هیواد بیا د بې ثباتۍ او دناامنۍ په لور بوځی .
