د خلکو اقتصادي ستونزې دې هوارې شي

د تهران د جمعې لمانځه خطیب د ایران د خلکو د معیشتي ستونزو د هواري په ضرورت ټینګار وکړ.

آیت الله محمدعلی موحدی کرمانی د تهران د جمعې لمانځه په خطبو کښې د ایران د اقتصاد د خرابولو لپاره د دښمنانو دسیسو ته په اشارې سره وویل: دښمنان به د بندیزونو په لګولو سره خپلو سپیرو اهدافو ته ونه رسیږي.

هغه ټینګار وکړ چې د ایران چارواکو ته پکار دي چې د یولړ تابیاؤ په کولو سره د دښمنانو دسیسې له ماتې سره مخامخ کړي.

د تهران د جمعې په لمانځه کښې ګډون کونکو خلکو هم د یولړ شعارونو په ورکولو سره د ایراني ولس خلاف د امریکې غلیمانه سیاستونه وغودل او د دښمنانو د دسیسو تر ماتې پورې یې د دریدنې او مقاومت په دوام ټینګار وکړ.