ایران او قطر د اړیکو د پراخولو غوښتنه وکړه
زمونږ خبریال وایی د ایران د اسلامی شورا مشر علی لایجانی په دې خبرې سره چې تهران په هرو شرایطو کښې له قطر سره ښې اړیکې لرلی دی وویل د ایران اسلامی جمهوریت له دوحې سره د اقتصادی ملګرتیاو د پراخولو هڅه کوی .
د ایران د اسلامی شورا مشر علی لاریجانی پرون مازیګر د ترکیې په انتالیا کښې د اسیا د پارلمانونو د غونډې په څنګ کښې د قطر د پارلمان له مشر احمد بن عبدالله بن زید ال محمود سره په کتنې کښې وویل قطر د ظالمانه بایکاټونو په وړاندې په مقاومت کولوسره وښودله چې د سیمې په هیوادونو غلبه کول اسان کار نه دی .
هغه وویل د ایران تاجران د دواړو هیوادونو د مشرانو د مصوبو د عملیاتی کیدا په بڼه کښې د قطر له تاجرانو سره د تجارت پراخولو ته دلچسپۍ لری .
د قطر د پارلمان مشر احمد بن عبدالله بن زید ال محمود هم وویل د قطر پرضد د ظالمانه بایکاټونو په وړاندې د ایران د اسلامی جمهوریت دریځ کاملا واضح او ورورګلویز دی .
د قطر د پارلمان مشر په دې خبرې سره چې له بایکاټ سره مبارزه د قطر د خلکو د ډیر اتحاد او پیوستون سبب شوی ده وویل ځینې هیوادونه له ایران سره د قطر د اړیکو د غوڅولو هڅه کوی خو دغه غوښتنه بې ځایه او د قطر له نظره رد شوی ده .
