خپلواکه فلسطینی هیواد یوازنۍ حل لاره ده
زمونږ خبریال وایی د فلسطین له انتفاضې د ملاتړ د نړیوال کانفرنس مشر د فلسطین د مسلې د حل یوازنۍ حقیقی لاره د فلسطین د خپلواکه هیواد احیاکیدل اعلان کړل .
حسین امیر عبداللهیان د ملګروملتونو د عمومی اسمبلۍ وروستی اقدام چې په اکثریت سره یې د خپل برخلیک په ټاکلو کښې د فلسطین د ملت د حق پریکړه لیک ته رایې ورکړې د فلسطین د ملت د حقوقو د احقاق په لاره کښې مهم ګام وباله .
د فلسطین له انتفاضې د ملاتړ د نړیوال کانفرنس مشر حسین امیر عبداللهیان په ملګروملتونو کښې د فلسطین د اصلی وسیدونکو په ګډون سره د ټولپوښتنې د ترسره کیدا له لارې د فلسطین د ملت د برخلیک د ټاکلو دحق په هکله د ایران د اسلامی جمهوریت د وروستی پلان ثبتیدا ته په ا شارې سره ټینګار وکړ د نړۍ هیوادونه او ملتونه متوجه شوی دی هغه بې ثباتۍ او ناامنۍ چې نن سبا د سیمې او د اروپایی هیوادونو سولې او امنیت ته ګواښ کوی د صهیونیسټانو لخوا د فلسطین ټاټوبی د نیواک او د فلسطین د مظلومو خلکو د قتل عام د دوام په وجه دی .
هغه دغه راز له عربو اتحادیې او له اسلامی ملګرتیا موسسې وغوښتل د فلسطین د ملت د برخلیک د ټاکلو د ټولپوښتنې د ترسره کیدا د حق د ډیموکراټیک پلان په ملاتړ او تصویبولو سره د اسلامی نړۍ د ترټولو مهمې مسلې د حل لپاره اساسی ګام پورته کړی .
حسین امیر عبداللهیان د صهیونیسټ رژیم د جعلی توب په اعلانولو او په دې خبرې ټینګار سره چې د ایران د اسلامی جمهوریت په سیاسی پلان کښې د مسلمانانو ، د عیسایانو او د یهودیانو په شمول د فلسطین د اصلی وسیدونکو ترمینځ د ټول پوښتنې د ترسره کیدا له لارې د فلسطین دخلکو د برخلیک دټاکلو حق تائید شوی دی وویل یوازنۍ ممکنه او حقیقی حل لاره د قدس په پلازمینه د فلسطین د واحد هیواد احیاکیدل دی او غاصب او ترهګر صهیونیسټان به چې دیهود دین یې مسخره او یرغمل کړی دی دسیمې په راتلونکی کښې هیڅ ځاې ونلری .
