د الوتکې د نسکوریدو د علت د څیړنې لپاره
ایران د نړیوالې ملګرتیا هرکلی کوي
د اسلامي ایران ولسمشر وویل: تهران د یوکرایني الوتکې د نسکوریدو د پیښې د کره علت د روښانه کیدو لپاره د هر ډول نړیوالې ملګرتیا هرکلی کوي.
ولسمشر حسن روحاني بیګا د کاناډا له وزیراعظم جسټین ټروډو Justin Trudeau سره په ټیلیفوني خبرو کښې، د یوکرایني الوتکې د نسکوریدو له پیښې د خواشینۍ په څرګندولو سره زیاته کړه: د دې پیښې وجوهاتو ته د لاسرسۍ په لړ کښې ګټه ور تحقیقات شوې دي او تکمیلي څیړنې هم په پوره ځیرتیا او چټکتیا سره روانې دي.
هغه وویل چې دغه پيښه د ایران او کاناډا د خلکو او د هغو نورو ولسونو لپاره ډیره دردونکې او له غم ډکه ده چې ښاریزو یې په دغې الوتکې کښې سفر کوه.
د کاناډا وزیراعظم هم په دغو ټیلیفوني خبرواترو کښې په یاده پيښه کښې د رامینځته شوې وژلې په اړه د تسلیت په ویلو سره وویل: کاناډا د دې پیښې په هکله د ضروري تحقیقاتو لپاره له ایران سره هر ډول ملګرتیا ته تیاره ده.
جسټین ټروډو له کاناډايي ښاریزو سره د ایران د کنسولي همکاریو په قدرونې سره، په بیلابیلو برخو کښې د دواړو هیوادونو د خارجه وزیرانو د ملګرتیا او تعاملاتو د پراختیا هرکلی وکړ.
