د ایران خارجه وزیر د امریکا هڅې وغندلې
زمونږ خبریال وايي د ایران د بهرنیو چارو وزیر محمد جواد ظریف د ګواښ له لارې د ملګروملتونو د بایکاټونو د بیرته راګرځولو لپاره د امریکا هڅې وغندلې .
هغه د ماشه د مکانیزم په هکله د ملګروملتونو په امنیت شورا کښې د امریکا د استازي میرمن کیلي کرافټ مرکې ته په غبرګون کښې وویل وروسته له دې چې درې (۳) ځله امنیت شورا د امریکا هڅې رد کړې واشنګټن اوس هر هغ سړي او هر هغه موجودیت ته چې د واشنګټن او د ماشه د مکانیزم یعني سنیپ بیک ترمینځ واټن رامینځته کړي ګواښ کوي .
د ایران خارجه وزیر جواد ظریف وویل روښانه ده چې د امریکا چارواکي د حقوقو په هکله هیڅ خبرتیا نلري او نه په ملګروملتونو پوهیږي .
په امنیت شورا کښې د امریکا استازي میرمن کیلي کرافټ پرون د سعودي عربستان له العربیه ټیلي ویژن سره په مرکه کښې ادعا کړي وه د ماشه مکانیزم به د سیمې د ملتونو او د امریکا د ګټو پراساس اجرا شي .
