د ایران په ضد دنړیوالو بندیزونو دبیرته ګرځيدا په اړه د امریکاتوهّم
د ایران په ضد د نړیوالو بندیزونو پخپله د بیرته ستنیدا په باب دامریکا ادعا په داسې حال کې مطرح کیږي،چې د ۴+۱ډلې دغړو پشمول دامنیت شورا دایمي اوغیر دایمي دیارلسو غړو،له دې چارې سره مخالفت کړی او امنیت شورا هم نه یوازې د واشنګټن دغوښتنې په لړ کې کوم پریکړه لیک نه دی مطرح کړی،بلکې د ټرمپ د حکومت دغوښتنې په اپوټه ئې د بندیزونو د کمیشن او دکارپيژندنې د پينل پشمول ددغو بندیزونو د اجرا یوه مقدماتي چاره هم نه ده عملیاتي کړې .
د ملګروملتو په امنیت شوراکې د ایران په ضد د وسلو دبندیزونو په تمدیدولو کې دامریکا په ناکامۍسره دټرمپ حکومت د تهران له خوا د جامعې نړیوالې ایټمی موافقې دخلاف ورزۍ او په دغې موافقې کې د غړیتوب په ادعاسره د ایران په ضد دنړیوالو بندیزونو پخپله د ستنیدا مدعي شوی او په دې زمینې کې ئې یوه میاشتنی مهلت اعلان کړی ؤ.
ددغه مهلت په پاي کې،د امریکا خارجه وزارت نن سهار وختي یعني د ستمبر په شلمه سهار وختي ادعا کړې د وسلو دبندیز پشمول د اسلامی ایران په ضد د ملګروملتو درست بندیزونه احیاء شوي دي . د امریکا خارجه وزیر مایک پمپئود یوې اعلامیې په خپرولو سره ، ایران دلویدیځي آسیا سیمې لپاره تر ټولو ستر ګواښ بللی او مدعي شوی دی ، نن ، امریکا پر ایران د ملګروملتو د درستو بندیزونو له بیرته لګیدو څخه ، چې مخکې لغوه شوي وو، هرکلی کوي . مایک پمپئو دې ته په اشارې سره چې د اګست په شلمه امریکاد نړیوالې ایټمي موافقې په مادو کې دخپلو ژمنتیاؤ باندې د ایران د نه اهتمام په باب د امنیت شورا مشر ته اطلاع ورکړي ، مدعي شوی ، دملګروملتود امنیت شورا د ۲۲۳۱پریکړه لیک د یوې مادې سنیک بک په بهیر پسې بندیزونه بیرته احیاء شوي دي .
د ایران په ضد د نړیوالو بندیزونو پخپله د بیرته ستنیدا په باب دامریکا ادعا په داسې حال کې مطرح کیږي،چې د ۴+۱ډلې دغړو پشمول دامنیت شورا دایمي اوغیر دایمي دیارلسو غړو،له دې چارې سره مخالفت کړی او امنیت شورا هم نه یوازې د واشنګټن دغوښتنې په لړ کې کوم پریکړه لیک نه دی مطرح کړی،بلکې د ټرمپ د حکومت دغوښتنې په اپوټه ئې د بندیزونو د کمیشن او دکارپيژندنې د پينل پشمول ددغو بندیزونو د اجرا یوه مقدماتي چاره هم نه ده عملیاتي کړې . په ملګروملتو کې د فرانسې ، جرمني ،انګلستان او همداراز د چین او روسیې استازو هم پر ایران د نړیوالو بندیزونو داحیاء لپاره دامریکا په اقدام په نیوکو سره وئيلي دي ، دغه بندیزونه هماغه راز لغوه شوي پاتیکیږي . داپه داسې حال کې دي چې د امریکا ددغه اقدام په مقابل کې اروپائي ټرائیکا هم دیوې اعلامیې په خپرولو سره په ډاګه وئیلي دي ، په جامعې نړیوالې ایټمی موافقې کې دایران په وړاندې خپلو ژمنو ته پابنده پآتیکیږي ، او په امنیت شورا کې د غیر قانوني او غیر اصولي اقداماتو هیڅکله هم ملاتړ نشي کولی ږ
په دې توګه د امریکا اقدام په حقیقت کې یوې بې ملاتړه او یواړخیزه ادعا ده ، له دغو درستو اقداماتو د واشنګټن اصلي موخه په حقیقت کې د ایران په ضد دوسلو دبندیز دلغوه کیدا مخنیوی دی په دې باب مایک پمپئو په ډاګه او په دروغه ادعا کړې ده ، د ایران په ضد دوسلو د محدودیّتونو پشمول دملګرو ملتو لغوه شوي درست بندیزونه بیرته احیاء شوي چې زیاتره نړیوالې ټولنې او اورګانونه ئې یوه ملنډه ګڼي .
امریکا چې د یوه زبرځواک او نړیوال پولیس مین توهّم لري پر دې تصوّر ده چې درست هیوادونه باید د دوي د موخو او غوښتنو په اساس عمل وکړي . په همدې دلیل امریکا د خپل همیشني کړچار ،یعني د ګواښ اوبندیز د دړکو په دوام کې ددغو بندیزونو د اجرائي کیدا له اعلانه وروسته، اوس درسته نړۍ په دغو ډنډورو ګواښلې ده .د امریکا دخارجه وزارت په اعلامیې کې راغلي دي،د ادعائي بندیزونو له اجراسره د مخالفت په بڼه کې دنړۍ هیوادونه به هم له بندیزونو سره مخامخ شي .
ډيری شناندي او کارپوهان وائي اوس امریکا مجبوره ده څو له ایران سره په مقابلې کې، په حقیقت کې له درستې نړۍ سره مقابله وکړي . ځکه عملا امریکا او د هغې ځيني واړۀمتحد هیوادونو پرته ، دختیځي اولویدیځي نړیوالو قدرتونو پشمول،د امنیت شورا بل یو غړی هیواد هم دامریکا دغه ادعا په رسمیّت نه پيژني اودقیقا د دوي په اپوټه ئې دریځ غوره کړی دی .
په حقیقت کې د ډونالډټرمپ حکومت باید په ځان له سر د ایران په ضد دن ړیوالو بندیزونو د اعادې اجرائي بيټی پر اوږدو کړي او د مخکې په نسبت لا منزوي شي .
په عین حال کې دایران اسلامی جمهوریت چې په کرتو ئې د واشنګټن دایرانی ضد اقداماتو پر غیر قانوني کیدا ټينګار کړی ، د امریکاد خارجه وزارت له اعلامیې وروسته ئې ، په یوه پریکنده دریځ کې د امریکا د چټي او له ملنډو د ډکې ادعا په وړاندې دنړیوال غبرګون په ضرورت ټينګار کړی دی . په ملګروملتو کې د اسلامی ایران استازي مجید تخت رونانچي ددغې موسیسې سرمنشي او امنیت شورا ته په یوه لیک کې وئیلي دي ، دامنیت شورا دبندیزونو بیرته احیاء لپاره دامریکا اقدام ، غیر قانوني ،باطل او بې اغیزې دی ، او دامنیت شورا غړي باؤري دي ،امریکا په جامعې نړیوالې ایټمي موافقې کې هیڅ غړیتوب نه لري .
