زیات نه زیات او سټراټیجک مقاومت، امریکې ته د ایراني ولس ځواب
په پاکستان کښې د ایران سفیر زیات نه زیات او سټراټجک مقاومت د امریکې اقتصادي ترهګرۍ ته د ایران د باتورو خلکو ځواب وباله.
په پاکستان کښې د ایران سفیر زیات نه زیات او سټراټجک مقاومت د امریکې اقتصادي ترهګرۍ ته د ایران د باتورو خلکو ځواب وباله.
سید محمد علي حسیني د پاکستان جناح ورځپاڼې ته په مرکه کښې کښې وویل: په داسې پړاؤ کښې چې د ایران ولس د کرونا له سختې حملې سره مخامخ دی، امریکې خپل غیرانساني بندیزونه لاسخت کړې دي او حتی دغه هیواد ته د ضرورت د بنیادي شیانو او خوراکي موادو او هم داشان د ناروغانو په تیره بیا د ماشومانو د درملنې لپاره د درملو او طبي تجهیزاتو د رسیدو مخه نیسي.
هغه په دې خبرې سره چې د امریکې رژیم په دې کار سره د بشریت خلاف جنایت ترسره کړې دی، یادونه وکړه: د ایران د ولس زیات نه زیات او سټراټیجک مقاومت د امریکې رژیم په ننۍ نړۍ کښې یوازې کړې دی او هم داشان یې دنیا ته د دغر رژیم پټه او بدرنګه څیره په ډاګه کړې ده.
په پاکستان کښې د ایران سفیر په دوام کښې په مختلفو دوه اړخیزو، سیمه ایزو او نړیوالو برخو کښې د تهران او اسلام آباد نزدې ملګرتیا ته په اشارې سره وویل: د ایران او پاکستان ترمینځ د تجارتي مبادلاتو اندازه کابو یونیم میلیارډ ډالره ده.
هغه د خپلې مرکې په یوه بله برخه کښې په دې خبرې سره چې تهران د شخړې او لانجو د هواري لپاره د صلحه ایزو لاروچارو ملاتړې دی، څرګنده کړه: د کشمیر په مسئله کښې د هند او پاکستان ترمینځ هر ډول غمیزه ناک اقدام به، په سویلي آسیا کښې په امنیت او ثبات باندې سخته منفي اغیزه وکړي.
