د پیغمبراکرم سپکاوي کونکو له انسانیته هیڅ ګټه نه ده پورته کړې
د اسلامی نړۍ د وحدت چورلیز ته شا کول او له جعلي ، ترهه ګر او غاصب صهیونیسټي رژيم سره داړیکو عادي کول ، په اسلامی امت کې د درز اوتفرقې بنسټ کیښودل دي .
د ایران د اسلامی شورا مشر محمد باقر قالیباف د اسلامی وحدت د نړیوال کنفرانس په پرانیستونکو دستورو کې په ویډیو ئي وینا کې وئيلي دي ،د اسلام دګران پيغمبر او قرآن کریم په شان کې هرډول سپکاوی ، د درستو نبیانو او آسماني کتابونو سپکاوی دی او هر کس او بهیر چې دغه شان جنایت وکړي ، نو له انسانیت او اخلاقو ئې هیڅ ګټه نه ده پورته کړې .
باقر قالیباف ټينګار کړی ، داسلامی امت مشترکات دومره زیات دي چې دتفرقې اوشخړې لپاره هیڅ پلمه نه پاتیکیږي .
د ایران د اسلامی شورا مشر ددې خبرې په کولو سره چې د فلسطین موضوع هماغه شان د اسلامی نړۍ لومړنۍ موضوع ده او دفلسطین له آئيډیا او قدس شریف څخه ملاتړ ، ددرستې نړۍ د مسلمانانو ترمینځ پیونداچونکی دی ،زیاته کړې ،د اسلامی نړۍ د وحدت چورلیز ته شا کول او له جعلي ، ترهه ګر او غاصب صهیونیسټي رژيم سره داړیکو عادي کول ، په اسلامی امت کې د درز اوتفرقې بنسټ کیښودل دي . هغه په عین حال کې روښانه کړې ده ، له صهیونیسټي وحشي رژيم سره د ګوته په شمیر عربو هیوادونو داړیکو عادي کول،سره له دې چې دفلسطین له آئيډیا سره ښکاره خیانت دی ، خو هیڅکله به هم دخپلو حقوقو دپوره کیدا لپاره د فلسطین داصیلو خلکو او مقاومت په هوډ کې خار پار رانه ولي .
د اسلامی وحدت د څلوردیرشم نړیوال وحدت په نننی ویبنار کې د بحرین د مسلمانانو تکړه او مبارز دینی عالم آیت ا... شیخ عیسی قاسم هم په ویډیوئي وینا کې د فلسطین موضوع، له صهونیسټ رژيم سره د اړیکو عادي کول او په نړۍ کې دکروناویروس خوریدا درې سترې بلاګانې او د انسان لپاره برخلیک ټاکونکی امتحان بللی او وئيلي ئې دي ،درست انسانان ، د صبر ، مقاومت ، وحدت ، جدیّت ، رسالت او دکرامت او عزت د احساس لپاره د د رو الهي امتحاناتو په وړاندې له مقاومت اودریدا پرته بله هیڅ لاره نه لري .
ټاکل شوې د ه په دغه ویبنار کې چې دربیع ا لاول تر ا ولسمې نیټې پورې به دوام ولري ، دنړۍ له ۴۷هیوادونو او اسلامی نړۍ څه دپاسه ۱۶۷ نامتو شخصیتونه او همداراز یو سل شل داخلی وینا وال د کنفرانس دموضوعګانو په تیره بیا له مصیبتونو اوبلاګانو او کرونائي بحران سره په مخامخیدا کې د اسلامی ملګرتیاؤ په باب ویډیو ئي ویناوې وکړي .
