د ایران او عراق ترمینځ د دوه اړخیزو همکاریو پراختیا
د ایران د ټولنیزو هوساینې او د کار وزیر محمد شریعتمداري د شنبې په ورځ د عراق د کار او ټولنیزو چارو له وزیر عادل الکعبي سره په یوه مجازي غونډه کې زیاته کړه: زه امید لرم چې د ایران او عراق د دوه ځواکمنو دولتونو ترمینځ د دوه اړخیزو همکاریو په پراختیا سره ، موږ به په سیمه کې سوله او آرامښت راولو.
زه امید لرم چې د ایران او عراق د دوه ځواکمنو دولتونو ترمینځ د دوه اړخیزو همکاریو په پراختیا سره ، موږ به په سیمه کې سوله او آرامه ووینو.
شریعتمداري دې ته په اشارې چې د ترهګرۍ د مسلې په وړاندې د عراقي خلکو د مبارزې پرمهال، ایران تل د عراقي حکومت او خلکو تر څنګ ولاړ دی، زیاته یې کړه: د همغږۍ دغه لوړه سویه د شهید قاسم سلیماني او د ابومهدي المهندس په شهادت کې وه دې کار د دواړو هیوادونو تر منځ اړیکې لا قوي کړي.
د ایران د ټولنیزو هوساینې او د کار وزیر محمد شریعتمداري د دواړو هیوادونو ترمینځه د اتباعو د ویزې وړیا کیدل یو ډیر ښه او ارزښت لرونکۍ کار وباله او زیاته یې کړه: "د دې همکارۍ په دوام سره، د سیل په برخه کې د فعالیتونو پراختیا په ځانګړي ډول د مذهبي سیاحت زمینه به برابره شي."
په دغه کتنه کې د عراق د کار او ټولنیزو چارو وزیر عادل الکعبي هم وویل: "ایران او عراق په مختلفو برخو کې بډایه اقتصادي او بشري سرچینې لري او دا مسله د دواړو هیوادونو تر منځ د همکارۍ د پراختیا لامل کیدی شي."
