د ایران د قضایې قوه:
امریکایان او لوېدیځ هیوادونه بشري حقونو څخه سرغړونه کړې
د ایران د اسلامي جمهوریت د قضایي قوې مشر ټینګار کړی چي امریکایان او لوېدیځ هیوادونه د تپلي جګړې په دوره کې له بشري حقونو څخه سرغړونه کړې.
د ایران د اسلامي جمهوریت د قضایي قوې مشر حجت الاسلام سید ابراهیم رئیسی د سې شنبې په ورځ د سپېڅلي دفاع د نړیوالو حقوقي غوښتنې په مراسمو کې وویل: د سپېڅلي دفاع په دوره کې باید د بشري حقونو په ډګر کې د امریکایانو او غربیانو د سرغړونو په هکله نړیوالو ته معلومات وړاندې کړو.
حجت الاسلام رئیسي زیاته کړه: د نړۍ د ټولو خلګو لپاره باید دا روښانه کړو چي په ایران باندې د تپلي جګړې په موده کې د خپلو شیطاني موخو لپاره څرنګه له بشري حقونو څخه سرغړونې کړي.
نوموړي یادونه وکړه چي د تپلي جګړې په موده کې د عراق مخکني دیکټاټور صدام مسئول و خو په دغه جرم کې باید د نورو شریکانو په اړه نړیوالو ته وضاحت ورکړل شي.
د ایران د قضایي قوې مشر زیاته کړه: په ایران باندې د یرغل پر مهال صدام سره د لوېدیځو هیوادونو د سیاسي او وسله ایزو مرستو لیست خورا ستر دی.
رئیسي وویل که د تپلي جګړې په موده کې د امریکا، فرانسې او جرمني جرمونه وڅېړل شي نو له یوې لویي دوسیې د جوړېدو سبب وکرځي.
