په ایران کې د سپیوټنیک واکسن تولید
May 04, 2021 13:01 Asia/Kabul
د ایران د خوراکي توکو او د درملو د ادارې ویاند تر راتلونکۍ دوو میاشتو پوري په هیواد کې دننه د سپیوټنیک وي واکسن د جوړېدو خبر ورکړ.
زموږ د خبریال له راپور سره سم، د ایران د خوراکي توکو او د درملو د ادارې ویاند کیانوش جهانپور وویل: څلور ستر ایراني شرکتونه د اسپیوټنیک واکسن د تولید لپاره چمتووالې ښودلې ده چي روسانو ته معرفي شوي دي.
جهانپور زیاته کړه: تر راتلوونکۍ دوو میاشتو پوري به په ایران کې د تولید شوی اسپیوټنیک واکسن د لګولو بهیر پیل شي.
هغه زیاته کړه چي تر دې دمه تر ۳ میلیون زیات د کرونا ضد واکسن ایران ته وارد شوي دي چي کابو یو نیم میلیون ډوز یې لګول شوي دي.
د اسپیوټنیک وی واکسن په روسیه کې د ګامالیا د وایروس پېژندنې د مرکز له خوا جوړ شوی دی چي د کرونا د ناروغی په وړاندې ۹۱ سلنه معافیت رامینځ ته کوي.
ټیګونه
